|
2018-07-18 15:30:30, 1156 ნახვა
ეკონომიკა
თბილისში მაღალი რანგის რეგიონალური დიალოგი თემაზე „ბიუჯეტის გამჭვირვალობა და ჩართულობა“ გაიმართა
საქართველოს ფინანსთა მინისტრმა ივანე მაჭავარიანმა გახსნა მაღალი რანგის რეგიონალური დიალოგი თემაზე: „ბიუჯეტის გამჭვირვალობა და ჩართულობა", რომელიც ბიუჯეტის საერთაშორისო პარტნიორობის (International Budget Partnership), ფინანსთა სამინისტროს ორგანიზებით და ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით გაიმართა. შეხვედრის მიზანი იყო საჯარო ფინანსების მართვის სფეროში ბიუჯეტის გამჭვირვალობისა და ბიუჯეტის დაგეგმვის პროცესში საზოგადოების ჩართულობის მიმართულებით მიღწევების, არსებული გამოწვევების და სამომავლო გეგმების განხილვა, როგორც რეგიონის და სხვა პარტნიორი ქვეყნების, ასევე საერთაშორისო ორგანიზაციებისა და სამოქალაქო საზოგადოების წარმომადგენლებთან. რეგიონალურ დიალოგში მონაწილე ქვეყნების ფინანსთა სამინისტროს წარმომადგენლებმა ერთმანეთს გაუზიარეს თავიანთი გამოცდილება ფისკალური გამჭვირვალობისა და საზოგადოების ჩართულობის გაუმჯობესების საკითხებზე. საქართველოს და პარტნიორი ქვეყნების საერთაშორისო ინსტიტუტების წარმომადგენლებმა ისაუბრეს მთავრობის მიერ შემოთავაზებულ რეფორმებზე და განიხილეს მათი მხარდაჭერის შესაძლებლობები, ხოლო ღია ბიუჯეტის კვლევის მონაწილე ქვეყნების ექსპერტებმა ისაუბრეს ფისკალური გამჭვირვალობისა და საზოგადოების ჩართულობის მნიშვნელობაზე, არსებულ გამოწვევებზე და მათ აღმოსაფხვრელად გასატარებელი ღონისძიებებზე. აღსანიშნავია, რომ საქართველოში საჯარო ფინანსების მართვის რეფორმა ბოლო ათწლეულის განმავლობაში წარმატებით ხორციელდება, რასაც ადასტურებს ღია ბიუჯეტის კვლევის 2017 წლის შედეგები. საქართველომ 82 ქულით მე-5 ადგილი დაიკავა მსოფლიოს 115 ქვეყანას შორის და 2006 წელს მინიმალური გამჭვირვალობის მქონე ქვეყნების ჯგუფიდან, 2017 წელს გადაინაცვლა ყველაზე გამჭვირვალე ქვეყნების ხუთეულში (ახალი ზელანდია, სამხრეთ აფრიკა, შვედეთი და ნორვეგია). თავის გამოსვლაში ფინანსთა მინისტრმა ივანე მაჭავარიანმა კიდევ ერთხელ ისაუბრა საჯარო ფინანსების მართვის სფეროში განხორციელებული რეფორმების, არსებული გამოწვევების და სამომავლო გეგმების შესახებ. შეაფასა ის წარმატებული ნაბიჯები, რომელიც საქართველომ გაიარა საჯარო ფინანსების მართვის რეფორმის გზაზე. მან ასევე ხაზი გაუსვა ამ პროცესში სამოქალაქო საზოგადოებისა და სხვადასხვა დაინტერესებულ მხარეთა, დონორი საფინანსო ორგანიზაციების აქტიურ ჩართულობას და მხარდაჭერას, ასევე გამოთქვა მზაობა, საჯარო ფინანსების მართვის კუთხით საქართველომ გაუზიაროს გამოცდილება პარტნიორ სახელმწიფოებს.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





