myvideo.ge-მ საზოგადოებრივი მაუწყებელი გათიშა

2018-07-16 12:05:34, 833 ნახვა

საზოგადოება

მსოფლიო ჩემპიონატის დასრულების შემდეგ, myvideo.ge-ზე საზოგადოებრივი მაუწყებლის პირველი და მეორე არხები გაითიშა.

როგორც კომპანიაში აცხადებენ, მათ გათიშვის გადაწყვეტილება „კომუნიკაციების ეროვნული კომისიის“ N374/18 გადაწყვეტილების საფუძველზე მიიღეს.

„მაუწყებლობა აღდგება მას შემდეგ, რაც საზოგადოებრივი მაუწყებელი შეასრულებს ამავე გადაწყვეტილებით და მაუწყებლობის შესახებ კანონით დაკისრებულ ვალდებულებას - მოგვაწოდოს სიგნალი, არადისკრიმინაციული სხვა ტრანზიტორებისა და საკუთარი ინტერნეტმაუწყებლიობის იდენტური საეთერო ბადით“, -აღნიშნულია myvideo.ge-ს საზმაუს ჩართვის გვერდზე.

შეგახსენებთ, რომ მსოფლიო საფეხბურთო ჩემპიონატის მიმდინარეობისას საზოგადოებრივი მაუწყებელი myvideo.ge-ზე მაუწყებლის არხების ტრანსლირების შეწყვეტას ითხოვდა. მისი განმარტებით, ფეხბურთში 2018 წლის მსოფლიო ჩემპიონატის ჩვენების ექსკლუზიურ უფლებას საკუთარ პლატფორმებზე (ტელევიზია, ვებგვერდი, მობილური აპლიკაცია) მხოლოდ ის ფლობდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები