ე.წ. სამხრეთ ოსეთის დე-ფაქტო პრეზიდენტი ანატოლი ბიბილოვი საქართველოს ნატოში შესაძლო გაწევრიანებას გამოეხმაურა. შესაბამისი განცხადება ე.წ. პრეზიდენტმა "იზვესტიასთან" მიცემულ ინტერვიუში გააკეთა.

როგორც ბიბილოვმა აღნიშნა, "ხელისუფლება რუსეთთან ერთად ყველაფერს გააკეთებს რათა რეგიონის უსაფრთხოება უზრუნველყოს".

„საქართველოს უფლება აქვს ნებისმიერ ალიანსს შეუერთდეს, სამხრეთ ოსეთი ამას ხელს ვერ შეუშლის. ამავდროულად, ეს შეშფოთებას იწვევს და სწორედ ამიტომ, ყველაფერი კეთდება, რათა რესპუბლიკის ხალხი შესაძლო პროვოკაციებისა და ძალისმიერი სცენარებისგან დავიცვათ. სწორედ ამიტომ სამხრეთ ოსეთი რუსეთთან ერთად თავდაცვისა და უსაფრთხოების ერთიან კონტურებს ქმნის და ამ მიმართულებით გადადგმული ნაბიჯები უნდა პასუხობდეს ჩვენს საზღვრებთან ნატო-ს ძალების გამოჩენის შესაძლებლობას. ამ ეტაპზე დამატებითი რუსული სამხედრო კონტინგენტის ან ბაზების განლაგების საჭიროება არ დგას“, - განაცხადა დე ფაქტო პრეზიდენტმა.

მანამდე საქართველოს ყოფილმა პრემიერ-მინისტრმა გიორგი კვირიკაშვილმა განაცხადა, რომ საქართველო შესაძლოა ნატო-ს წევრი 2021 წელს გახდეს.

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო