ერთიანი ეროვნული გამოცდები დაიწყო

2018-07-02 09:31:36, 790 ნახვა

საზოგადოება

საქართველოში ერთიანი ეროვნული გამოცდები დაიწყო.

პირველ გამოცდას აპლიკანტები ქართულ-ენასა და ლიტერატურაში აბარებენ. აბიტურიენტების რეგისტრაცია 08:00 საათზე, გამოცდა კი, 09:00 საათზე დაიწყო.

გამოცდები ერთდროულად 22 საგამოცდო ცენტრში მიმდინარეობს. ერთიანი ეროვნული გამოცდებისთვის წელს 39 000-მდე აბიტურიენტი დარეგისტრირდა.

ცნობისთვის, მოსალოდნელი განსაკუთრებით ცხელი დღეების გამო ერთიანი ეროვნული გამოცდების (ქართული ენისა და ლიტერატურის გამოცდისა და ზოგადი უნარების გამოცდის) განრიგი შეიცვალა.

კერძოდ, ქართული ენისა და ლიტერატურის 2 და 3 ივლისისათვის დაგეგმილი მეორე სესია ჩატარდება 4 და 5 ივლისს, დილით. ანუ, აბიტურიენტები, რომლებიც ქართული ენისა და ლიტერატურის გამოცდაზე უნდა გამოცხადებულიყვნენ 2 ივლისს, 14:00 საათზე, ამ გამოცდას ჩააბარებენ იმავე საგამოცდო ცენტრში, 4 ივლისს, 08:00 საათზე (სესიისათვის რეგისტრაცია დაიწყება 08:00 საათზე, გამოცდა - 09:00 საათზე).

ქართული ენისა და ლიტერატურის გამოცდაზე 3 ივლისს, 14:00 საათზე განაწილებული აბიტურიენტები გამოცდას ჩააბარებენ 5 ივლისს, 08:00 საათზე (სესიისათვის რეგისტრაცია დაიწყება 08:00 საათზე, გამოცდა - 09:00 საათზე).

5 ივლისის ზოგადი უნარების გამოცდის პირველი და მეორე სესია ჩატარდება 7 ივლისს, ანალოგიური თანმიმდევრობით. ანუ, თუ აბიტურიენტი განაწილებული იყო 5 ივლისს 08:00 საათზე, იგი ზოგადი უნარების გამოცდას 7 ივლისს, 08:00 საათზე ჩააბარებს (სესიისათვის რეგისტრაცია დაიწყება 08:00 საათზე, გამოცდა - 09:00 საათზე), ხოლო თუ აბიტურიენტი განაწილებული იყო 5 ივლისს 14:00 საათზე, იგი გამოცდას ჩააბარებს 7 ივლისს 14:00 საათზე (სესიისათვის რეგისტრაცია დაიწყება 14:00 საათზე, გამოცდა 15:00 საათზე).

რაც შეეხება დანარჩენ დღეებს, განრიგი ასეთია:

9-10 ივლისი (პირველი და მეორე სესია) - ინგლისური ენა;

9 - ივლისი (პირველი სესია) - რუსული ენა;

10 - ივლისი (მეორე სესია) - ფრანგული ენა;

10 - ივლისი (პირველი სესია) - გერმანული ენა;

13 - ივლისი (მეორე სესია) - მათემატიკა;

16 - ივლისი (პირველი და მეორე სესია) - გეოგრაფია;

17 - ივლისი (პირველი და მეორე სესია) - ისტორია;

19 - ივლისი (პირველი სესია) - ლიტერატურა;

20 - ივლისი (მეორე სესია) - ბიოლოგია;

24 - ივლისი (პირველი სესია) - სამოქალაქო განათლება;

25 - ივლისი (პირველი სესია) - სახვითი და გამოყენებითი ხელოვნება;