28-30 ივნისს, ბათუმი, საქართველოს რესპირაციული ასოციაციის მე-6 საერთაშორისო კონგრესს უმასპინძლებს.

აჭარის ჯანდაცვის სამინისტროს ინფორმაციით, კონგრესის გახსნის ცერემონია, დღეს, 19:00 საათზე, ბათუმის ხელოვნების ცენტრში გაიმართება და მასში მონაწილეობას მიიღებს აჭარის ფოლკლორული ანსამბლები.

29 ივნისს 09:00 საათზე, სასტუმრო "შერატონში" გაიხსნება კონგრესის სამეცნიერო ნაწილი. კონგრესი თავისი მასშტაბებითა და მნიშვნელობით განსაკუთრებულია არა მარტო ჩვენი რეგიონისათვის, არამედ აღმოსავლეთ ევროპისა და პოსტ-საბჭოთა სივრცისათვის: მასში 30 ქვეყნის 1100 დელეგატი მიიღებს მონაწილეობას. განსაკუთრებულია უცხოელ სპიკერთა რაოდენობაც (43 სპიკერი ევროპის, ამერიკის, აფრიკის და აზიის ქვეყნებიდან და მათგან უმრავლესობა მსოფლიო სახელის მქონე მეცნიერია).

ეს კონგრესი, ისევე როგორც წინა ოთხი, ორგანიზებულია აჭარის მთავრობასთან ერთად და ტარდება მთავრობის თავმჯდომარის, ბატონ ზურაბ პატარაძის პატრონაჟით. კონგრესის ორგანიზატორები არიან ასევე თბილისის სახელმწიფო სამედიცინო უნივერსიტეტი და სამედიცინო კორპორაცია ევექსი.

ორი დღის განმავლობაში, ორ პარალელურ დარბაზში ჩატარებული 24 სიმპოზიუმი შეეხება რესპირაციული მედიცინის ყველა ასპექტს: ონკოლოგია და ქირურგია, კრიტიკული მედიცინა და ინფექციები, ტუბერკულოზი და ასთმა, ალერგია და ფილტვის ქრონიკული დააავადებები, პედიატრია და ნეონატოლოგია. კონგრესის სამუშაო ენებია ქართული და ინგლისური.

კონგრესის დასრულების შემდეგ, კვირას, 1 ივლისს ჩატარდება გარბენი სლოგანით “ირბინეთ მეტი, ისუნთქეთ მეტი, იცოცხლეთ მეტი“, რომელიც ორგანიზებული იქნება ქ.ბათუმის მერიასთან ერთად.

(NS)

ავტორი: ,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო