„საგარეო საქმეთა სამინისტრო იწყებს აქტიურ ქმედებებს რათა „ოთხოზორია-ტატუნაშვილის სია"  ვაცნობოთ ჩვენს საერთაშორისო პარტნიორებს. ერთ-ერთი პირველი ნაბიჯი იქნება საქართველოში აკრედიტებულ დიპლომატიურ კორპუსთან შეხვედრა",-ამის შესახებ, საგარეო საქმეთა მინისტრმა, დავით ზალკალიანმა „ოთხოზორია-ტატუნაშვილის სიასთან" დაკავშირებით შემოშვავებულ  სამოქმედო გეგმაზე საუბრისას განაცხადა.
 
მინისტრმა აღნიშნა, რომ დიპლომატიურ კორპუსთან შეხვედრაზე დეტალურად განიხილება თუ რას წარმოადგენს სია, რა კრიტერიუმებით მოხდა ამ სიის დაკომპლექტება და რა ნაბიჯები უნდა გადაიდგას საერთაშორისო თანამეგობრობის მხრიდან.
 
„სანამ აღნიშნული სია ოფიციალურად გაცხადდებოდა, ჩვენ უკვე აქტიურ კომუნიკაციაში  ვიყავით პარტნიორებთან, რისი შედეგიცაა ევროპარლამენტის მიერ მიღებული  რეზოლუცია, აშშ-ის წარმომადგენელთა პალატის მიერ ინიცირებული საკანონმდებლო აქტი. ეს პროცესი მომავალშიც გაგრძელდება,  ჩვენი დიპლომატიური მისიები, ჩვენი პარტნიორები,  ყველა საერთაშორისო ორგანიზაცია, როგორც ინდივიდუალურად ასევე მრავალმხრივ ფორმატებში  აქტიურად იქნება ჩართული ამ პროცესში", - აღნიშნა საგარეო საქმეთა მინისტრმა.
 
დავით ზალკალიანმა ასევე განაცხადა, რომ საგარეო საქმეთა სამინიტრო გააგრძელებს აქტიურ თანამშრომლობას ყველა პარტნიორთან, რათა იმ პირთა მიმართ, რომელთაც ჩაიდინეს დანაშაული ოკუპირებულ ტერიტორიებზე, მიღებულ იქნას შესაბამისი სანქციები.

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო