კრწანისის რაიონში, ფონიჭალა 3-ის N26 კორპუსის მიმდებარედ, ორი ახალი სპორტული მოედანი მოეწყო.

სამუშაოების ფარგლებში, კაპიტალურად დაისხა ბეტონის საფუძველი, მთლიანად შეიცვალა დაზიანებული სპორტული ინვენტარი და ბალახის ხელოვნური საფარი დაიგო. ასევე, განახლდა ლითონის მავთულბადიანი ღობე.

ფეხბურთისა და კალათბურთის მოედნები სრულად რეაბილიტირდა და თანამედროვე ინვენტარით აღიჭურვა. დასრულებულ სამუშაოებს კრწანისის რაიონის გამგებელი ლევან ჯაფარიძე გაეცნო. 
 
„ჯანსაღი ცხოვრების წესის პოპულარიზაცია ჩვენი ერთ-ერთი მთავარი პრიორიტეტია. სწორედ ამიტომ ვცდილობთ, რომ ახალგაზრდებს მაქსიმალურად შევუწყოთ ხელი, სპორტულ აქტივობებში ჩაერთონ. მათი სწორი მიმართულებით მოტივირება, ჩვენთვის მნიშვნელოვანი ამოცანაა. რაიონში სპორტული მოედნების, სატრენაჟორო სივრცეების გახსნა სწორედ ამას ემსახურება, რომელიც მომავალშიც გაგრძელდება“, - განაცხადა ლევან ჯაფარიძემ. 

ზემო ფონიჭალის სპორტული მოედნების რეაბილიტაციაზე, რომლითაც მოსახლეობა უკვე სარგებლობს, გამგეობის ბიუჯეტიდან 103 000 ლარი დაიხარჯა.

(NS)

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს