დედაქალაქის მერიის გარემოს დაცვის საქალაქო სამსახურმა ხე-მცენარეების მავნებელ ორგანიზმებთან ბრძოლის აგროტექნიკური ღონისძიებები განახორციელა.

წამლობა უკვე ჩაუტარდა ვაკის პარკში, 9 აპრილის პარკში, რიყის პარკში, გოძიაშვილის სახელობის ბაღში, დიღმის ტყე-პარკში, ბარათაშვილის სკვერში, აღმაშენებლის გამზირზე, პაიჭაძის ქუჩაზე, კოსტავას ქუჩაზე, რუსთაველის გამზირზე, ჭაბუა ამირეჯიბის გზატკეცილზე, ლისის ტბის მიმდებარე კვაჭაძისა და ბერიტაშვილის ქუჩებზე, კუს ტბის ასასვლელში და ტბის გარშემო ტერიტორიაზე, ბაგები-წყნეთის გზატკეცილზე არსებულ ხე-მცენარეებს. 

სულ შეიწამლა 95,5 ჰექტარზე, 18 413 ძირი, სხვადასხვა სახეობის ფოთლოვანი და წიწვოვანი ხე-მცენარე.

გარდა ამისა, 10 ივლისამდე განხორციელდება ხე-მცენარეების წამლობა აზიური ფაროსანას წინააღმდეგ გოძიაშვილის სახელობის ბაღში, მზიურის პარკში, ვაკის პარკში, ბოტანიკური ბაღში, ეთნოგრაფიული მუზეუმის ეზოში და 9 აპრილის ბაღში. 

აგროტექნიკური ღონისძიებების გატარების საჭიროება განაპირობა თბილისსა და მის შემოგარენში მცენარეთა ფიტოსანიტარული კვლევამ, რომლის შედეგადაც ხე-მცენარეებს დაავადებები გამოუვლინდათ. 

(NS)

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს