ყაზახეთის რესპუბლიკაში, ქალაქ ასტანაში გამართულ მინისტერიალზე კავკასიისა და ცენტრალური აზიის ქვეყნებში ტყეების ლანდშაფტების აღდგენის საკითხებზე  მრგვალი მაგიდის ფორმატში იმსჯელეს.

საქართველოს დელეგაციას გარემოს დაცვისა და სოფლის მეურნეობის მინისტრის მოადგილე  სოლომონ პავლიაშვილი ხელმძღვანელობდა. გამართულ შეხვედრებს ესწრებოდა საქართველოს ელჩი ყაზახეთის რესპუბლიკაში ზურაბ აბაშიძე.

ტყის ლანდშაფტების აღდგენის ვალდებულება საქართველოს საერთაშორისო დონეზე აქვს აღებული. მინისტერიალის მრგვალი მაგიდის შეხვედრის მონაწილეებმა  ისეთ მნიშვნელოვან საკითხებზე იმსჯელეს, როგორიცაა: ტყის ლანდშაფტების აღდგენა და მასთან დაკავშირებული ეროვნული და რეგიონული გამოცდილება, ტყის აღდგენის დაფინანსება.

შეხვედრის ერთ-ერთ მნიშვნელოვან კომპონენტს მხარეების მიერ ნაკისრი ვალდებულებების განხილვა წარმოადგენდა და მას განსაკუთრებული ყურადღება დაეთმო. სოლომონ პავლიაშვილმა, გამართულ შეხვედრაზე სიტყვით გამოსვლისას აღნიშნა, რომ განსაზღვრული გეგმის მიხედვით, საქართველოს ხელისუფლება 2030 წლისთვის 1500 ჰა-ზე მოახდინოს ტყის გაშენებას და დამატებით 7 500 ჰა ტყის ფართობზე ხელს შეუწყობს ბუნებრივ განახლებას, ბუნებრივი ტყის საფარის აღდგენის მიზნით. 
მონაწილე მხარეთა მიერ მოწონებულ იქნა რეზოლუციის პროექტი, რომელიც გულისხმობს: 2030 წლისათვის ქვეყნებში დეგრადირებული მიწების გამოვლენას, მათ აღდგენასა და გატყიანებაზე მუშაობას; ტყის ლანდშაფტების აღდგენისათვის ეროვნული პოტენციალის შეფასებას.
გარდა ზემოაღნიშნულისა, სოლომონ პავლიაშვილი პერსონალურად შეხვდა ბუნების კონსერვაციის საერთაშორისო კავშირის (IUCN), გლობალური ბუნებისდაცვითი გადაწყვეტილებების ჯგუფის დირექტორს ბატონ სტიუარტ მაგინნისს და სხვა წარმომადგენლებს.

ღონისძიება ორგანიზებული იყო ყაზახეთის რესპუბლიკის სოფლის მეურნეობის სამინისტროს, გაეროს ევროპის ეკონომიკური კომისია (UNECE), გაეროს სურსათისა და სოფლის მეურნეობის ორგანიზაციის (FAO) და ბუნების კონსერვაციის საერთაშორისო კავშირის (IUCN) მიერ, გერმანიის ფედერალური რესპუბლიკის მთავრობის მხარდაჭერით.

(NS)

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო