ზაზა სარალიძე შსს-ს წარმომადგენლისა და საქმის პროკურორის ზვიად ფხაკაძის დაკავებას ითხოვს

2018-06-26 16:16:42, 875 ნახვა

საზოგადოება

ხორავას ქუჩაზე მოკლული არასრულწლოვნის მამა ზაზა სარალიძე შინაგან საქმეთა სამინისტროს კახა სირაძისა და საქმის პროკურორის ზვიად ფხაკაძის დაკავებას ითხოვს.

როგორც სარალიძემ აღნიშნა, საგამოძიებო კომისიის გუშინდელი სხდომის შემდეგ, ნათელი გახდა, რომ პროკურატურისა და შსს-ს წარმომადგენლები მკვლელობის საქმეში დეტალებს მალავდნენ.

ამასთან, ზაზა სარალიძე პანკისის ხეობაში სპეცოპერაციის დროს მოკლული თემირლან მაჩალიკაშვილის მამას, მალხაზ მაჩალიკაშვილს ხვდება. სარალიძე უფლებადამცველ ზვიად კუპრავასთან ერთად სოფელ ფუისში ჩავიდა, სადაც მაჩალიკაშვილთან ერთად სამომავლო გეგმებს განიხილავენ.

ცნობისთვის, შსს-ს წარმომადგენლის და საქმის პროკურორის დაკითხვა საგამოძიებო კომისიამ გუშინ დაიწყო. დაკითხვა დაახლოებით 8 საათის განმავლობაში მიმდინაროებდა. მიუხედავად ამისა, საგამოძიებო კომისიის წევრებს საგამოძიებო ორგანოების წარმომადგენლების მიმართ კითხვები დარჩათ, რის გამოც კახა სირაძესა და ზვიად ფხაკაძის დაკითხვა დღეს 15:00 საათზე განახლდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები