მიმდინარე წლის 31 მაისიდან 6 ივნისის ჩათვლით, იუსტიციის უმაღლესი სკოლისა და გერმანიის საერთაშორისო თანამშრომლობის საზოგადოება (GIZ)-ის თანამშრომლობის ფარლებში, განხორციელდება სამოსამართლო კანდიდატების მენტორი მოსამართლეების სასწავლო ვიზიტი გერმანიაში, ბრემენის ფედერალური მხარის პირველი ინსტანციის სასამართლოში.

როგორც „ექსპრესნიუსს“ იუსტიციის უმაღლესი სკოლიდან აცნობეს, ვიზიტის მიზანს წარმოადგენს ქართველი-მენტორი მოსამართლეებისათვის გერმანული გამოცდილების გაზიარება სამოსამართლო კანდიდატების პრაქტიკული მომზადების თემაზე. ვიზიტის დასრულების შემდგომ დაგეგმილია, სამოსამართლო კანდიდატებისათვის სავალდებულო სტაჟირების ფარგლებში, პრაქტიკული სწავლების კონცეფციის დახვეწა-განვითარება.

ამავე ვიზიტის ფარგლებში იგეგმება თბილისის საქალაქო სასამართლოსა და ბრემენის ფედერალური მხარის პირველი ინსტანციის სასამართლოებს შორის სამომავლო თანამშრომლობის გეგმების დასახვა.

დელეგაციის შემადგენლობაში შედიან იუსტიციის უმაღლესი სკოლის წარმომადგენლები; სამოსამართლო კანდიდატების მენტორი მოსამართლეები - თბილისის საქალაქო სასამართლოს 12 მოსამართლე და თბილისის საქალაქო სასამართლოს თავმჯდომარე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას