შავი ზღვის საერთაშორისო უნივერსიტეტის ინიციატივით საქართველოში ,,სამედიცინო ტურიზმი - გამოწვევები და პერსპექტივების კონფერენცია გაიმართა.

კონფერენციის მიზანი იყო საქართველოში სამედიცინო ტურიზმის კერძოდ სამკურნალო საკურორტო ტურიზმმის გაცნობა, მისი პროპაგანდა სხვა ქვეყნებში და საზოგადოებაში ინფორმაციის ხელმისაწვდომობის გაზრდა.

შავი ზღვის საერთაშორისო უნივერსიტეტის საკონფერენციო დარბაზში ჩატარებულ კონფერენცია გახსნა უნივერსიტეტის რეკტორმა ილიას ჩილოღლუმ. კონფერენციაზე სხვა სამედიცინო ტურიზმის საშუალებებთან ერთად ყურადღება მიიპყრო საქართველოში არსებულმა სამკურნალო საკურორტო ტურიზმის საშუალებებმა, მისმა პერსპეკტივებმა, და საკურორტო ტურიზმის განვითარების თემაზე უცხოეთში პროპაგანდის გაკეთებამ. 

კონფერენციაზე მოხსენებით გამოვიდნენ თბილისის ბალნეოლოგიური კურორტის, საქართველოს კურორტოლოგიის, ფიზიოთერაპიის, რეაბილიტაციისა და სამედიცინო ტურიზმის ს/პრ ცენტრის გენერალური დირექტორი, ნიკოლოზ სააკაშვილი; სამედიცინო ტურიზმის ექსპერტი და კომპანია ,,მედტური საქართველოს“ დამფუძნებელი, პაატა რატიანი.

ღონისძიებაში მონაწილეობა მიიღეს 9 უმაღლესი სასწავლებლის (შავი ზღვის საერთაშორისო უნივერსიტეტის, ილიას სახელმწიფო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, აკაკი წერეთლის სახელმწიფო უნივერსიტეტის, საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის, საქართველოს უნივერსიტეტის, სოხუმის უნივერსიტეტის, საქართველოს შოთა რუსთაველის თეატრისა და კინოს სახელმწიფო უნივერსიტეტის, გურამ თავართქილაძის საწავლო უნივერსიტეტის) ბაკალავრიატის, მაგისტრატურის, დოქტორანტურის საფეხურების სტუდენტებმა და აღნიშნული უნივერსიტეტების პროფესორებმა.

ღონისძიებაში ასევე მონაწილეობდნენ: ტურიზმის ეროვნული ადმინისტრაცია; კომპანია ,,სევენთი“; ტურისტული სააგენტოები; პროფესიული კოლეჯი ,,იკაროსი“; არასამთავრობო ორგანიზაციის წევრები და წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას