შსს-ს ცენტრალური კრიმინალური პოლიციის დეპარტამენტის დირექტორ ივანე პაპიაშვილის მოწვევით, საქართველოს შინაგან საქმეთა სამინისტროს ავსტრიის რესპუბლიკის ვენის ფედერალური მიწის პოლიციის პრეზიდენტი ეწვია.

უწყების ინფორმაციით, ორდღიანი ვიზიტის განმავლობაში სტუმრებმა შეხვედრები გამართეს შსს-ს ცენტრალური კრიმინალური პოლიციის დეპარტამენტის დირექტორ ივანე პაპიაშვილთან, ქალაქ თბილისის მთავარი სამმართველოს უფროს შალვა ბედოიძესთან და შსს-ს საპატრულო პოლიციის დეპარტამენტის დირექტორ დავით ცინარიძესთან.

შეხვედრებზე სტუმრები გაეცნენ სამინისტროს მუშაობის პრინციპს, დაგეგმილ და განხორციელებულ სიახლეებს. მხარეებმა ერთმანეთს თავიანთი დედაქალაქების პოლიციის მუშაობის სპეციფიკა და გამოცდილება გაუზიარეს. ვენის ფედერალური მიწის და ამავდროულად ქალაქ ვენის პოლიციის პრეზიდენტი გერჰარდ პიურსტლი დედაქალაქის კრიმინალური პოლიციის და საპატრულო პოლიციის მუშაობის მეთოდებით დაინტერესდა. საუბარი შეეხო საქართველოს შსს-ში ბოლო წლებში გატარებულ რეფორმებსა და საპატრულო პოლიციაში განხორციელებულ რებრენდინგს.

საპატრულო პოლიციაში შეხვედრის დასრულების შემდეგ დელეგაციის წევრებმა საპატრულო პოლიციის ახალი ავტომანქანა „ფორდ ინტერსეპტორი“, მოტოციკლი და ტექნიკური აღჭურვილობა დაათვალიერეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას