"ნაციონალური მოძრაობის" პოლიტსაბჭოს წევრმა კონსტანტინე იოსელიანმა ერთ-ერთი მაღალჩინოსნის პირადი ცხოვრების შესახებ, ტელეკომპანია „იბერიის“ ეთერში ისაუბრა.  

მისი თქმით, აღნიშნულ პირზე „ჭორი დადის“, რომ ის ერთ-ერთ ცნობილ ადამიანთან რომანტიკულ ურთიერთობაშია. 

მის საქციელს მალევე მოყვა რეაქცია ენმ-ს რიგებიდან. 
წევრებმა იოსელიანისგან საჯარო ბოდიში ფეისბუკზე გავრცელებული განცხადებებით მოითხოვეს.

როგორც ენმ-ს პოლიტსაბჭოს წევრი და პარლამენტარი სალომე სამადაშვილი წერს,  იოსელიანმა უკიდურესად დააზიანა პარტიის რეპუტაცია. 

„ენმ-ი ღირებულებებზე დაფუძნებული პოლიტიკური გაერთიანებაა, შესაბამისად მე, ისევე, როგორც პარტიის ყველა წევრი, ველოდებით საჯარო ბოდიშს კოტე იოსელიანისგან არაეთიკური საქციელისთვის, რომელმაც უკიდურესად დააზიანა პარტიის რეპუტაცია. მსგავსი საქციელი მხოლოდ ხელისუფლების ინტერესებს ემსახურება“,- წერს სამადაშვილი. 

საჯარო ბოდიში, პარტიის კიდევ ერთმა წევრმა, მარიამ გერსამიამაც მოითხოვა.

მისი თქმით, საჯარო სივრცეში გაკეთებული განცხადებების დროს მეტი პასუხიმგებლობაა საჭირო. 
საპასუხოდ, კოტე იოსელიანმა წუხელ  წერილი გაავრცელა, სადაც ის ბოდიშს იხდის, თუმცა ნაწილობრივ კვლავ ტირაჟირებს ზემოთ აღნიშნულ ჭორს. 

„ვწუხვარ, თუ ამ დისკუსიის დროს უნებურად დავაზიანე ადამიანების პირადი გრძნობები, რაც დანამდვილებით არ ყოფილა ჩემი მიზანი“,- დაწერა კოტე იოსელიანმა. 

ავტორი: ,

სოციალური ქსელები

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში