|
2018-06-11 14:19:07, 929 ნახვა
ეკონომიკა
ქუმსიშვილი - „აწარმოე საქართველოში“ ფარგლებში გაცემული დახმარებით მივიღეთ ევროპის უმაღლესი სტანდარტით აღჭურვილი საწარმო
საქართველოს პირველმა ვიცე პრემიერმა, ეკონომიკისა და მდგრადი განვითარების მინისტრმა დღეს შპს „ტიფლის ტექსტილი" ოფიციალურად გახსნა - საწარმო სახელმწიფო პროგრამის „აწარმოე საქართველოში" მხარდაჭერით სარგებლობს. დიმიტრი ქუმსიშვილთან ერთად, საწარმოს მუშაობას გაეცნო სააგენტოს „აწარმოე საქართველოში" ხელმძღვანელი მიხეილ ხიდურელი. სახელმწიფო ქონების ეროვნული სააგენტოს მხარდაჭერით, შპს „ტიფლის ტექსტილს" საწარმოს ასაშენებლად თბილისში, 9492 კვ.მ. მიწის ნაკვეთი და შენობა-ნაგებობა გადაეცა ტერიტორიაზე, რომელიც მანამდე არანაირი ინფრასტრუქტურა არ არსებობდა და უფუნქციო იყო. აღსანიშნავია, რომ სააგენტოს „აწარმოე საქართველოში" მხარდაჭერით კომპანია „ტიფლის ტექსტილმა" საწარმო თანამედროვე ხარისხის მანქანა-დანადგარებით აღჭურვა. პროგრამა „აწარმოე საქართველოში" ფარგლებში თითქმის 190 000 ლარის თანადაფინანსება მოხდა სახელმწიფოს მხრიდან. პირველი ვიცე-პრემიერის განცხადებით, წინდების მწარმოებელი საწარმო პროგრამის ორი კომპონენტით სარგებლობს - ფინანსებზე ხელმისაწვდომობისა და ინფრასტრუქტურული მხარდაჭერით. „ეს დახმარება ღირს იმ შედეგად, რასაც დღეს ვხედავთ - ევროპის უმაღლესი სტანდარტით აღჭურვილ საწარმოს, რომელიც დღეს უკვე აწარმოებს ქალის, მამაკაცისა და ბავშვების წინდებს, რომელსაც აქვს უმაღლესი ხარისხი. დღეისთვის საწარმოში ჯამურად უკვე 6 მილიონი ლარის ოდენობის ინვესტიციაა განხორციელებული", - აღნიშნა დიმიტრი ქუმსიშვილმა. მისივე თქმით, საწარმოში პირველ ეტაპზე უკვე 50 ადამიანია დასაქმებული, მეორე ეტაპზე კი სულ მცირე ამდენივე სამუშაო ადგილი დაემატება, რაც ძალიან მნიშვნელოვანია. „ტიფლის ტექსტილს" მიერ წარმოებული პროდუქცია ადგილობრივ ბაზარზე ძალიან მოთხოვნადი იქნება, გამომდინარე მისი ხარისხიდან და მეორე, რაც ასევე ძალიან მნიშვნელოვანია - პროდუქცია განკუთვნილია ექსპორტისთვის, რაც, რა თქმა უნდა, შეამცირებს ჩვენს საგადასახადო ბალანსს და ქვეყანაში მეტ ვალუტას შემოიტანს", - აღნიშნა დიმიტრი ქუმსიშვილმა.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





