აჭარის ტურიზმის დეპარტამენტის თავმჯდომარე სულხან ღლონტი ბათუმის შოთა რუსთაველის სახელობის სახელმწიფო უნივერსიტეტის სტუდენტებს შეხვდა და მათ დეპარტამენტის საქმიანობა გააცნო.

პრეზენტაციისას, რომელიც უნივერსიტეტის განახლებულ სამკითხველო დარბაზში გაიმართა სულხან ღლონტმა ყველა ის პროექტი განიხილა, რაც რეგიონში ტურისტების მოზიდვისა და ტურიზმის განვითარების კუთხით ხორციელდება, მათ შორის 16 სამიზნე ქვეყანაში რეგიონის რეკლამირების მნიშვნელობა, ამ კუთხით დეპარტამენტის მიერ განხორციელებული სარეკლამო აქტივობები და რეგიონის ბიუჯეტში ტურიზმიდან მიღებული შემოსავლები. 

ტურიზმის დეპარტამენტის თავმჯდომარემ ასევე ისაუბრა ტურიზმის განვითარების სკოლის ფარგლებში რეგიონში სერვისის გაუმჯობესების მიზნით გიდების გადამზადებისა და საოჯახო-სასტუმრო სახლებისთვის ენის შემსწავლელი ტრენინგების შესახებ. სტუდენტებთან  საუბრისას მან ტურიზმის განვითარებისთვის განათლების მნიშვნელობასა და აუცილებლობაზეც ისაუბრა.  შეხვედრას უნივერსიტეტის რექტორი, ტურიზმის ფაკულტეტის სტუდენტები და ლექტორები ესწრებოდნენ.

„ჩვენთვის მნიშვნელოვანია სტუდენტებმა, რომლებიც უკვე ჩართულები არიან ან ჩაერთვებიან ტურისტულ სექტორში სისტემურად გაიზრონ რას აკეთებს ტურიზმის დეპარტამენტი რეგიონში ტურიზმის განვითარებისთვის. ჩვენი პროექტები არამხოლოდ რეგიონში ტურისტების მოზიდვას და მთაში ტურისტული პროდუქტების განვითარებას, არამედ სერვისის გაუმჯობესებას ემსახურება, რაც რათქმაუნდა პირდაპირ კავშირშია განათლებასთან. ჩვენი მიზანია მომავალმა თაობამ გაითავისოს, რომ სწორედ მათ ცოდნაზე იქნება დამოკიდებული სამომავლოდ როგორ განვითარდება ტურიზმი აჭარაში. ჩვენთვის ასევე საინტერესო იყო მათი დამოკიდებულებები და ინტერესი, როგორც ჩვენს პროექტებთან, ასევე ზოგადად ქვეყანაში ტურიზმის განვითარებასთან მიმართებაში", - განაცხადა აჭარის ტურიზმის დეპარტამენტის თავმჯდომარე სულხან ღლონტმა. 

(NS)

ავტორი: ,

სოციალური ქსელები

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ

საფრანგეთში მომიტინგეებმა უსაფრთხოების ძალებს მოლოტოვის კოქტეილები ესროლეს - დაიჭრენ პოლიციელები - ვიდეო

გერმანიაში ახალგაზრდების მასობრივ საპროტესტო აქციებს არეულობა და ძარცვა მოჰყვა

The Economist - რუსეთმა უკრაინაში შესაძლოა 770 000 ადამიანი დაკარგა