|
2018-06-05 12:06:49, 1311 ნახვა
ეკონომიკა
რაულ ეჩებერია: საქართველოში ინტერნეტტექნოლოგიების დანერგვის მოდელი შეიძლება მსოფლიოს სხვადასხვა რეგიონში გამოვიყენოთ
„დღესდღეობით ინტერნეტსაზოგადოების უმნიშვნელოვანესი გამოწვევაა პოლიტიკა და რეგულაციები. ჩვენ განვიხილავთ იმ პოლიტიკას, რომელმაც უნდა დაარეგულიროს ინტერნეტმმართველობის მოდელი. ის უნდა შემუშავდეს ყველა მოთამაშის მონაწილეობით და ასახოს ყველა ის მოთხოვნა თუ საჭიროება, რომელიც დღეს არსებობს ინტერნეტსაზოგადოებაში“, - ამის შესახებ ინტერნეტსაზოგადოების ვიცე-პრეზიდენტმა, რაულ ეჩებერიამ მედიის წამომადგენლებთან განაცხადა. ეჩებერია თბილისში მიმდინარე მასშტაბური ინტერნეტმმართველობის ფორუმის, „ევროდიგ2018“-ის ერთ-ერთი მთავარი მომხსენებელია. მისი განცხადებით, „ევროდიგის“ ფარგლებში მიმდინარე დიალოგი ძალიან მნიშვნელოვანია არამარტო ევროპის, არამედ მთელი მსოფლიოს ინტერნეტსაზოგადოებებისთვის. „ჩვენ სხვადასხვა პანელზე სხვადასხვა თემას განვიხილავთ, მათ შორის ინტერნეტმმართველობის ზოგად გამოწვევებს, თუ რა ვითარებაა ამ მიმართულებით მსოფლიოში და ევროპის ქვეყნებში. მთელს მსოფლიოში, მათ შორის, საქართველოშიც, ერთ-ერთ პრობლემად რჩება ინტერნეტის ხელმისაწვდომობა და ვცდილობთ, რომ აღმოვფხვრათ ეს უდიდესი პრობლემა“ - აღნიშნა ინტერნეტსაზოგადოების ვიცე-პრეზიდენტმა. ეჩებერიას შეფასებით, ამ კუთხით ძალიან საინტერესო გამოცდილება გვაქვს საქართველოში - „ინტერნეტსაზოგადოება, მთავრობა, მოსახლეობა, ასევე სხვადასხვა კერძო კომპანიები თანამშრომლობენ იმისთვის, რომ ინტერნეტისადმი წვდომა უზრუნველყონ მათთვის, ვისაც ეს აქამდე არ ჰქონია. ამ თანამშრომლობის არაჩვეულებრივი მაგალითი გვაქვს თუშეთში განხორციელებული პროექტის სახით. ეს არის მაგალითი იმისა, თუ როგორ შეიძლება საზოგადოების სხვადასხვა სექტორების თანამშრომლობის საფუძველზე უახლესი ტექნოლოგიები დაინერგოს იქ, სადაც ეს ტექნოლოგიები არასოდეს ყოფილა. ამ მოდელის გამოყენება შეიძლება მსოფლიოს სხვადასხვა რეგიონში“, - აცხადებს რაულ ეჩებერია.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





