სასჯელაღსრულების მინისტრის მოადგილე კახა კახიშვილი ცალკე საგამოძიებო უწყების შექმნას არ ეთანხმება.

კახიშვილი მიიჩნევს, რომ ცალკე, სხვა და სხვა უწყებების შექმნით, პრობლემები არ აღმოიფხვრება, ვინაიდან, მისივე თქმით, არავინ იცის, თუ როგორი პოლიტიკური ფიგურა შეიძლება დაინიშნოს საგამოძიებო, დამოუკიდებელი დეპარტამენტის უფროსად.

კახიშვილის მოსაზრებით, საჭიროა, არა ცალკე, დამოუკიდებელი საგამოძიებო დეპარტამენტის შექმნა, არამედ ინსტიტუციური დამოუკიდებლობის უზრუნველყოფა და პროკურატურაში რეფორმების გატარება, რაც უკვე დაწყებულია.

„ცალკე საგამოძიებო უწყების შექმნას საჭიროდ არ ვთვლი. თუ დღეს პროკურატურის კუთხით რაღაც ტიპის დამოუკიდებლობაა საჭირო იმისათვის, რომ გამოეყოს საერთოდ აღმასრულებელ ხელისუფლებას და გახდეს დამოუკიდებელი, ამ კუთხით უნდა გავატაროთ რეფორმა. დღეს საუბარია იმაზე, რომ თუ პროკურორი ჩაიდენს დანაშაულს ვინ გამოიძიებს და ამიტომ უნდა შევქმნათ ცალკე, კიდევ საგამოძიებო სტრუქტურა, რომელიც გამოიძიებს პროკურორის საქმეს. იბადება კითხვა, თუ იმ ცალკე შექმნილი საგამოძიებო უწყების ხელმძღვანელი იქნება პოლიტიზირებული, ჩაიდენს დანაშაულს, ვინღა გამოიძიებს მის საქმეს. მერე ისევ ვიფიქროთ იმის კიდევ ცალკე საგამოძიებო უწყების შექმნაზე. მსოფლიო სტანდარტები იცნობს ერთ პროცესუალურ მდევნელს, ეს არის პროკურატურა და იქ ნამდვილად არის გასატარებელი რეფორმები. ეს რეფორმები ტარდება. შესაძლებელია ერთი რეფორმის ტალღით ყველა პრობლემა ვერ აღმოიფხვრას, მაგრამ ამიტომაც ვმუშაობთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე