საპატრულო პოლიციის უფროსის, თეიმურაზ კუპატაძის ინფორმაციით, პარლამენტთან მიმდინარე აქციის მონაწილეებსა და ორგანიზატორებს შორის შეხლა-შემოხლა მოხდა.

როგორც მან ჟურნალისტებს განუცხადა, მათი უთანხმოება აქციის სამომავლო გეგმებს უკავშირდებოდა.

„აქციის მონაწილეებს და ორგანიზატორებს შორის ხვალინდელ გეგმებთან დაკავშირებით მოხდა გარკვეული შეხლა-შემოხლა. ვერ გაარკვიეს თუ როგორ უნდა იმოქმედონ და რა სამოქმედო გეგმები ექნებათ ხვალ. გარკვეული მიმართულება იყო პოლიტიკურ შეხედულებებთან დაკავშირებით. მოვიდა პიროვნება, რომელიც მოუწოდებდა, რომ გაეყვანათ პოლიტიკური პარტიები და თავისუფალი აზრის გამოხატვის უფლება მისცემოდა ყველა მოქალაქეს პოლიტიკური მოსაზრებების გარეშე. ამასთან დაკავშირებით ბატონ ზვიად კუპრავასთან მოუვიდათ შეხლა-შემოხლა, რაც განმუხტული იყო ჩვენი მხრიდან. საპატრულო პოლიცია 24-საათიან რეჟიმში აკონტროლებს აქციას და აქციის მონაწილეებს იცავს“, - განაცხადა კუპატაძემ.

მისივე თქმით, კარავში რამდენიმე ნასვამი პიროვნება იმყოფებოდა, რომლებსაც სამედიცინო დახმარება დასჭირდათ.

„კარვიდან ხმაური გამოდიოდა. რამოდენიმე ნასვამი პიროვნება იყო კარავში, რომელსაც ჭირდებოდა სასწრაფო-სამედიცინო დახმარება. ჩვენ შევიყვანეთ ექიმები და შესაბამისი დახმარება აღმოუჩინეს ამ ადამიანებს“, - განაცხადა საპატრულო პოლიციის უფროსმა.

პარლამენტის მიმდებარე ტერიტორიაზე ამ დროისთვის ხმაურია.

ავტორი: ,

სოციალური ქსელები

სატვირთო მანქანების სომეხი მძღოლები, რომლებსაც კონიაკი გადაჰქონდათ, დაახლოებით ერთი თვეა ლარსზე იმყოფებიან: რუსული მხარე ექსპერტის შეფასებას ითხოვს

ნიუ-დელიში გამართულ საპროტესტო აქციაზე ოპოზიციის ლიდერები დააკავეს

ფავლენიშვილი- უპრეცედენტო შემთხვევაა ჩვენი ქვეყნის ისტორიაში, როდესაც ადამიანი თვითონ აცხადებს, რომ გახდა გაუპატიურების მსხვერპლი პენიტენციურ სისტემაში

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს