შინაგან საქმეთა სამინისტროს ინიციატივითა და ორგანიზებით, განათლებისა და მეცნიერების სამინისტროსთან თანამშრომლობით, შსს-ს სპეციალური და საგანგებო ღონისძიებების ცენტრის სტრატეგიული მილსადენების დაცვის დეპარტამენტის ხელმძღვანელებმა და თანმშრომლებმა, „მართლწესრიგის უზრუნველყოფისა და დანაშაულის პრევენციის პროგრამა საჯარო სკოლებისათვის“ ფარგლებში, სამცხე-ჯავახეთის რეგიონალურ ციხისჯვრის ბაზაზე, ადგილობრივი სკოლის მოსწავლეებს უმასპინძლეს.

სტრატეგიული მილსადენების დაცვის დეპარტამენტის წარმომადგენლებმა მოსწავლეებს ბაზის ინფრასტრუქტურა და ბავშვებისთვის სპეციალურად მოწყობილი გამოფენა დაათვალიერებინეს, სადაც წარმოდგენილი იყო სახვადასხვა ტიპის სპეციალური აღჭურვილობა. მოზარდებმა ასევე ნახეს, სპეციალური ტრანსპორტი და ტექნიკა, სამთო და სამხერდო აღჭურვილობა, სამედიცინო ინვენტარი და სპორტული დარბაზი. შეხვედრა საინფორმაციო-საგანმანათლებლო ტიპის იყო. მოსწავლეებს კითხვა-პასუხის რეჟიმში გააცნეს დეპარტამენტის მუშაობის პრინციპები და მუშაობის სპეციფიკა. სტატეგიული მილსადენების დაცვის დეპარტამენტის წარმომადგენლებმა მილსადენის დაცვის მნიშვნელობასა და უსაფრთხოების ზომებზე ისაუბრეს. ღონისძიების დასასრულს დეპარტამენტის ხელმძღვანელებმა ბავშვებს სამახსოვრო საჩუქრები გადასცეს.

შინაგან საქმეთა სამინისტრომ საინფორმაციო-საგანმანათლებლო კამპანია, რომლის მიზანია, საზოგადოების ინფორმირებულობა სამართალდამცავ ორგანოებთან ურთიერთობის ფორმების და მოქალაქეების უფლებების შესახებ, მიმდინარე წლის 1 მაისიდან დაიწყო. პროექტი ხორციელდება, როგორც დედაქალაქის, ასევე რეგიონების საჯარო სკოლებში, მათ შორის არაქართულენოვან სკოლებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას