საქართველოს პარლამენტში, რეგიონალური პოლიტიკისა და თვითმართველობის კომიტეტის სხდომაზე, გარემოს დაცვისა და სოფლის მეურნეობის მინისტრის მოადგილემ გიორგი ხანიშვილმა კომიტეტის წევრებს მთავრობის სამოქმედო გეგმის მიმდინარეობის შესახებ დეტალური ანგარიში გააცნო.

გიორგი ხანიშვილის განაცხადებით, დასავლეთ საქართველოში ქიმიური წამლობა ინტენსიურად მიმდინარეობს. აქტიურად მუშაობს ფაროსანასთან ბრძოლის საკოორდინაციო შტაბი, სადაც მავნებლის იდენტიფიკაციის და არეალის დადგენის მიზნით, ყოველდღიურ რეჟიმში მიმდინარეობს მონაცემების განახლება, რომლის საფუძველზეც შეწამვლითი ღონისძიებები ხორციელდება.

„ჩვენი საკოორდინაციო შტაბი მუშაობს ორგანიზებულად. ღონისძიებების შესახებ მოსახლეობის ოპერატიული ინფორმირების მიზნით მოქმედებს სატელეფონო გზავნილების სისტემა. მთელი ქვეყნის მასშტაბით განთავსებულია 110 ათასი ფერომონი „მოიზიდე და გაანადგურე“, სახელმწიფოს მიერ მობილიზებულია 150 ათასი ერთეული მაღალი განმავლობის სპეციალიზებული ტექნიკა. სამინისტრომ შეიძინა 180 ათასი ლიტრი ბიფენტრინის შემცველი ინსექტიციდი და 209 ათასი ლიტრი ზეთოვანი ინსექტიციდი. ჩვენ წელს გვექნება გაცილებით კარგი შედეგი, თუმცა აუცილებელია ბრძოლის პროცესში მოსახლეობა აქტიური იყოს“, - განაცხადა გიორგი ხანიშვილმა.

(NS)

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.