|
2018-05-16 10:04:10, 1451 ნახვა
ეკონომიკა
რომეო მიქაუტაძემ საქართველოს ენერგეტიკის საინვესტიციო პოტენციალზე მოხსენება გააკეთა
ენერგეტიკის საინვესტიციო შესაძლებლობებსა და მის პრიორიტეტულ მიმართულებებზე, განახლებადი ენერგიის მიმდინარე პროექტებსა და განვითარების სტრატეგიაზე ისაუბრა ეკონომიკისა და მდგრადი განვითარების მინისტრის მოადგილემ, რომეო მიქაუტაძემ კონფერენციაზე “საქართველო - შესაძლებლობების ქვეყანა”, რომელიც Bia Forum-ის მიერ იყო ორგანიზებული. ეკონომიკის სამინისტროს ცნობით, ფორუმზე მოხსენებები გააკეთეს ევროპის რეკონსტრუქციისა და განვითარების ბანკის რეგიონულმა დირექტორმა ბრუნო ბალვანერამ, რეგიონული განვითარებისა და ინფრასტრუქტურის მინისტრის პირველმა მოადგილემ ირაკლი ქარსელაძემ, გარემოს დაცვისა და სოფლის მეურნეობის მინისტრის პირველმა მოადგილემ ნოდარ კერესელიძემ, სს საქართველოს ენერგეტიკის განვითარების ფონდის დირექტორმა თორნიკე რიჟვაძემ და ბიზნესისა და საჯარო სექტორის სხვა წარმომადგენლებმა. ფორუმის მიზანს წარმოადგენდა რეგიონში საქართველოს ფინანსურ და ბიზნეს ცენტრად პოზიციონირების ხელშეწყობა, ქვეყნის ეკონომიკური და საინვესტიციო პოტენციალის მიმოხილვა და მეწარმეებისთვის ფინანსირების ხელმისაწვდომი წყაროების გაცნობა. ეკონომიკისა და მდგრადი განვითარების მინისტრის მოადგილის რომეო მიქაუტაძის განცხადებით, საქართველოს გააჩნია აუთვისებელი ჰიდროენერგეტიკული რესურსების დიდი რაოდენობა, ჰიდროენერგეტიკული პოტენციალის მხოლოდ 20 პროცენტია ათვისებული. ქვეყანაში არსებული 26,000 მდინარიდან 300 მათგანი იძლევა ჰიდროენერგიის წარმოების შესანიშნავ შესაძლებლობას, წყლის რესურსების წილით ერთ სულ მოსახლეზე საქართველო ერთ-ერთი მოწინავე ქვეყანაა. კონომიკისა და მდგრადი განვითარების მინისტრის მოადგილის განცხადებით, ქვეყნის სატრანზიტო შესაძლებლობების გაზრდის მიზნით მიმდინარეობს ახალი სავაჭრო მექანიზმების განვითარება, ბაზრის ფორმირება, საქართველოს ჩამოყალიბება აღმოსავლეთ-დასავლეთისა და ჩრდილოეთ-სამხრეთის ენერგიის გადამცემი ინფრასტრუქტურის ჰაბად. მისი თქმით, განვითარების სტრატეგია ასევე მოიცავს განახლებადი ენერგიის პროექტებში ახალი ინვესტიციების მოზიდვით სოციალური და ეკონომიკური პირობების გაუმჯობესებას და ადგილობრივი მოსახლეობისთვის ახალი სამუშაო ადგილების შექმნას.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





