თბილისის მერმა კახა კალაძემ პრემიერ-მინისტრ გიორგი კვირიკაშვილთან ერთად, ახლადგასხსილი სასტუმრო „სტამბა“  დაათვალიერა.

თბილისის მერის განცხადებით, აღნიშნული პროექტის განხორციელება ძალიან მნიშვნელოვანია, რადგან სასტუმრო თავისი დიზაინითა და შინაარსით, დედაქალაქში ერთ-ერთი საუკეთესოა.

„ჩვენს დედაქალაქში ბევრი კარგი სასტუმროა, თუმცა ასეთი გემოვნებით შექმნილი სასტუმრო ნამდვილად მისასალმებელია. ყველა პროექტი, რომელიც ამ ჯგუფის მიერაა განხორციელებული, წარმატებულია. ვისურვებდი, რომ მათ დედაქალაქში რაც შეიძლება ბევრი პროექტი განახორციელონ, რაშიც ჩვენი მხრიდან მაქსიმალური მხარდაჭერა ექნებათ“, - განაცხადა კახა კალაძემ.  

სასტუმრო „სტამბა“ კომპანია „აჭარა ჯგუფის“ ბრენდს წარმოადგენს. სასტუმრო კოსტავას ქუჩაზე, საბჭოთა ეპოქის გამომცემლობის შენობაშია განთავსებული. ამ ეტაპზე, სასტუმროში 600 ადამიანია დასაქმებული. მისი სრულყოფილად ამუშავების შემდეგ, დასაქმებულთა რაოდენობა 750-მდე გაიზრდება, სტუმრებს კი, 150 ნომერი მოემსახურება.

სასტუმროში განთავსებულია კაფე „სტამბა“, სადაც სტუმრებს საშუალება აქვთ, ადგილობრივი ფერმერების აგროპროდუქტებისგან დამზადებული ქართული და ევროპული კერძები დააგემოვნონ. სასტუმროში ასევე, განთავსებულია კაზინო „ავიატორი“, ხოლო შენობის თავზე მოწყობილია საცურაო აუზი გამჭვირვალე ფსკერით. 

განახლებული შენობა თავის პირველად, ისტორიულ სახეს ინარჩუნებს. ისტორიული შენობის პირველადი ფასადის მსგავსად, შენარჩუნებულია სარემონტო სამუშაოების დროს აღმოჩენილი ძველი საბეჭდი დანადგარებიც.

სასტუმრო „სტამბა“ გამორჩეული ინტერიერით, Design Hotels-ის წევრი გახდა.

(NS)

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.