„საერთაშორისო გამჭვირვალობა – საქართველოს“ კვლევის მიხედვით, მოსახლეობის უმრავლესობა მიიჩნევს,  რომ მსუბუქი და კლუბური ნარკოტიკების პირადი მოხმარებისთვის ადამიანი ციხეში არ უნდა ჩასვან.

კერძოდ, კითხვაზე უნდა მოიხადოს თუ არა სასჯელი ადამიანმა შემდეგი ტიპის ნარკოტიკული საშუალების პირადი მოხმარების გამო, გამოკითხულთა 72%-მა აღნიშნა, რომ არ უნდა მოიხადოს, 25%-ის თქმით, უდნა მოიხადოს.

რაც შეეხება კლუბურ ნარკოტიკს, 56% მიიჩნევს, რომ კლუბური ნარკოტიკების პირადი მოხმარების გამო მოქალაქეებმა სასჯელი არ უნდა მოიხადონ, 36% კი, დასჯის მომხრეა.

53% აცხადებს, რომ ინტრავენური ნარკოტიკების (მორფი, ჰეროინი) პირადი მოხმარების გამო, ადამიანმა ციხის სასჯელი უნდა მოიხადოს, 43% კი, მიიჩნევს, რომ ისინი ციხეში არ უნდა ჩასვან.

კვლევა 2018 წლის 3-28 მარტის პერიოდში ჩატარდა და საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.