2015-05-25 15:18:25, 463 ნახვა
პოლიტიკა
უსაფრთხოების სამსახურის უფროსს პარლამენტი აირჩევს
უსაფრთხოების შესახებ კანონპროექტი, რომელიც შინაგან საქმეთა სამინისტროდან ამ სამსახურის ცალკე გამოყოფას ითვალისწინებს, პარლამენტშია უკვე ინიცირებული.
პროექტის თანახმად, უსაფრთხოების სამსახურის უფროსს საქართველოს მთავრობის წარდგინებით პარლამენტი აირჩევს. ის თანამდებობაზე 6 წლით დაინიშნება.
უსაფრთხოების სამსახურის უფროსი, ანგარიშვალდებული იქნება როგორც პარლამენტის, ასევე მთავრობის წინაშე.
სამსახურის ბიუჯეტი 36 743 994 ლარი იქნება.
უსაფრთხოების სამსახური 1 სექტემბრისთვის უნდა შეიქმნას. მომავალ წლამდე კი მისი დაფინანსებისთვის ასიგნებები შსს-ს ბიუჯეტიდან გამოიყოფა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
