ლომბარდებთან დაკავშირებით აუცილებლად შემოვა ახალი რეგულაცია, - ამის შესახებ ფინანსთა მინისტრმა მამუკა ბახტაძემ Facebook-ზე პირდაპირი ჩართვისას განაცხადა.

როგორც მინისტრმა აღნიშნა, ახალი რეგულაცია ძალაში მაისში უნდა შევიდეს. 

"ლომბარდები საქართველოში გარკვეულწილად გადაიქცა ჭარბვალიანობის მთავარ პრობლემად. მეტიც, არის შემთხვევები, როდესაც ის გახდა კრიმინალის წამახალისებელი წყაროც. აქედან გამომდინარე, რა თქმა უნდა, ის თამაშის წესები, რომელზეც ვისაუბრეთ, აუცილებლად გავრცელდება ლომბარდებზე. ამასთან ერთად, ჩვენ გვაქვს კონსულტაციები და ჩვენი მოსაზრებაა, რომ ლომბარდებში უნდა აიკრძალოს როგორც ავტომობილების, ასევე უძრავი ქონების ე.წ. დალომბარდება", - განაცხადა ფინანსთა მინისტრმა.

იგი, ასევე, გამოეხმაურა ოპონენტების არგუმენტაციას, რომელიც ამ მიმართულებით გაჟღერდა. 

„ჩვენი ოპონენტების მხრიდან აქაც მოვისმინეთ ძალიან სუსტი არგუმენტაცია, რომ თურმე, იმ შემთხვევაში, თუ ლომბარდებს არ ექნებათ ავტომობილების „დალომბარდების" უფლება, ადამიანებს, რომლებსაც აქვთ ბიზნესის დაწყების  სურვილი, სასტარტო კაპიტალზე წვდომა შეეზღუდებათ. მინდა ვკითხო ჩვენს ოპონენტებს, რომელი წარმატებული ბიზნესპროექტი იცით, რომლის სასტარტო  წყარო ლომბარდში ჩადებული ავტომობილი იყო? ეს ასე არაა - სამწუხაროდ, რეგულაციების არარსებობამ, რომელზედაც ვსაუბრობ, წაახალისა ძალიან არაჯანსაღი ურთიერთობები ლომბარდებსა და ჩვენს მოქალაქეებს შორის, განსაკუთრებით იმ ნაწილში, რომელიც ეხება ავტომობილებისა და უძრავი ქონების ე.წ. „დალომბარდებას". შესაბამისად, ჩემი პირადი მოსაზრებაა, რომ ლომბარდებს უნდა აეკრძალოთ როგორც მანქანების, ასევე უძრავი ქონების მიღება და მათი საქმიანობის სფერო უნდა იყოს მკაცრად განსაზღვრული, და არ უნდა მოიცავდეს ე.წ. რეგისტრირებულ ქონებას. ბუნებრივია, ის საპროცენტო ჭერი და მაქსიმალური ზღვარი, რომელიც დაწესდება, ეს შეეხება ყველა იურიდიულ პირს, რომელიც მუშაობს ფინანსურ სექტორში", - განაცხადა მამუკა ბახტაძემ.

(NS)

ავტორი: ,

სოციალური ქსელები

“ნაციონალურ მოძრაობას“ შსს-მ რიყის დოქებთან სააკაშვილის მხარდამჭერი აქციის განართვის ნებართვა არ მისცა

რუსთავში მარტოხელა დედას სამი შვილით ბინიდან ასახლებენ - ვიდეო

ირანის ელჩი თბილისში საელჩოს ფასადზე ქეთევან დედოფლის გამოსახულების განათებას ეხმაურება

ჰეგსეთმა პენტაგონს დაავალა, შუალედურ არჩევნებში უცხოური ჩარევის წინააღმდეგ ბრძოლა