სამწლიანი პატიმრობის შემდეგ, ლიბიიდან კიდევ ერთი ქართველი მეზღვაური დაბრუნდა

2018-05-06 13:31:29, 1653 ნახვა

საზოგადოება

დღეს დილით სამშობლოში დაბრუნდა კიდევ ერთი ქართველი მეზღვაური, სოსლან კაკაბაძე, რომელიც 2015 წლიდან ლიბიაში იყო დაკავებული.

ბათუმის საერთაშორისო აეროპორტში მეზღვარურს ოჯახის წევრები, საქართველოს საგარეო საქმეთა სამინისტროს საკონსულო დეპარტამენტის წარმომადგენლები, აჭარის მთავრობის და საზღვაო ტრანსპორტის სააგენტოს წარმომადგენლები.

სოსლან კაკაბაძემ და მისი ოჯახის წევრებმა მადლობა გადაუხადეს საქართველოს მთავრობას, საგარეო საქმეთა მინისტრსა და სამინისტროს მისი გათავისუფლების საქმეში ჩართულობისა და გატარებული საქმიანობისთვის.

აღსანიშნავია, რომ ქართველი მეზღვაურის დაკავებიდან 2015 წლიდან ამ დრომე ლიბიაში არსებული არსებული მძიმე სამხედრო-პოლიტიკური კრიზისის გამო სოსლან კაკაბაძის საქმის სასამართლო განხილვა ვერ ხერხდებოდა. საგარეო საქმეთა სამინისტრომ ინტენსიური სამუშაო ჩაატარა საქართველოს მოქალაქის გასათავისუფლებლად, გამოიყენა რა ყველა სამართლებრივი და დიპლომატიური მექანიზმები - უცხოელი პარტნიორების და ლიბიაში აკრედიტებული დიპლომატიური კორპუსის ჩართულობით.

სოსლან კაკაბაძის გათავისუფლებას წინ უძღვოდა ეგვიპტეში საქართველოს ელჩის ალექსანდრე ნალბანდოვის ვიზიტი ლიბიაში და მისი შეხვედრები ლიბიის ხელისუფლების წარმომადგენლებთან.

ქართველი მეზღვაურის გათავისუფლების საქმეში კოორდინირებულად იყვნენ ჩართული როგორც საქართველოს საგარეო საქმეთა სამინისტრო, ისე აჭარის ავტონომიური რესპუბლიკის მტავრობა და საზღვაო ტრანსპორტის სააგენტო.

როგორც სოსლან კაკაბაძის დახვედრის დროს ბათუმის აეროპორტში საქართველოს სააგრეო საქმეთა სამინისტროს საკონსულო დეპარტამენტის დირექტორის მოადგილემ ვლადიმერ კონსტანტინიდმა განაცხადა ქრათველი მეზღვაურის გათავაისუფლების პროცესი იყო რთული, თუმცა კოორდინირებული მუშაობით და პარტნიორების დახმარებით შესაძლებელი გახდა ამ შედეგის მიღება. მისივე თქმით, მაისის მეორე ნახევრში გაიმართება ლიბიაში მყოფი დანარჩენი ქართველი მეზღვაურების საქმის განხილვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები