|
2018-05-05 17:02:56, 2045 ნახვა
ეკონომიკა
მამუკა ბახტაძე იაპონიის პირველ ვიცე-პრემიერს შეხვდა
საქართველოს ფინანსთა მინისტრი მამუკა ბახტაძე ფილიპინებში ვიზიტისას, იაპონიის პირველ ვიცე-პრემიერსა და ფინანსთა მინისტრს შეხვდა. მინისტრებმა მიმოიხილეს ორ ქვეყანას შორის ეკონომიკური ურთიერთობების სხვადასხვა ასპექტი, განიხილეს იაპონიის მთავრობის მხარდაჭერით მიმდინარე პროექტები, ისეთ სფეროებში როგორიცაა: ინფრასტრუქტურა, ენერგეტიკა, გარემოს დაცვა, ჯანდაცვა, სოფლის მეურნეობა. როგორც აღინიშნა, ორი ქვეყანა, ასევე, აქტიურად თანამშრომლობს საგანმანათლებლო, საინფორმაციო ტექნოლოგიების დანერგვისა და ტურიზმის მიმართულებით. ხაზი გაესვა იმ ფინანსური ორგანიზაციების საქმიანობის მნიშვნელობას, რომლის საშუალებითაც იაპონიის მთავრობა მხარს უჭერს საქართველოს, ესენია: იაპონიის საერთაშორისო თანამშრომლობის სააგენტო ( JICA) რომლის საშუალებით იაპონიის მთავრობა ახდენს სასესხო ინსტრუმენტების გამოყენებას, ასევე იაპონიის მთავრობის დახმარების პროგრამის (ODA) ფარგლებში განხორციელებული საგრანტო და ტექნიკური დახმარების პროგრამები, რომელიც მოიცავდა ქვეყნის ეკონომიკის მნიშვნელოვანი დარგების განვითარებას. შეხვედრაზე განსაკუთრებით აღინიშნა ინფრასტრუქტურის სექტორში განხორციელებული და სამომავლოდ დაგეგმილი პროექტები, რომლებიც ხელს უწყობს ქვეყნის კონკურენტუნარიანობისა და სატრანზიტო პოტენციალის ზრდას. აღსანიშნავია, რომ იაპონიის საერთაშორისო თანამშრომლობის სააგენტოს დაფინანსებით, აღმოსავლეთ-დასავლეთის ჩქაროსნული ავტომაგისტრალის რიკოთის უღელტეხილის ტერიტორიაზე, წელს იწყება ერთ-ერთი რთული მონაკვეთის (შორაპანი-არგვეთა) მშენებლობა. ხაზგასასმელია, რომ აღნიშნული პროექტისთვის გამოყენებული იქნება იაპონური ტექნოლოგიები. როგორც მხარეებმა აღნიშნეს, ორ ქვეყანას შორის დღეს არსებული წარმატებული თანამშრომლობა, იძლევა კარგ საფუძველს, მომავალში საქართველოსა და იაპონიას შორის ურთიერთობები ორმხრივ და მრავალმხრივ ფორმატში უფრო გაღრმავდეს და დინამიურად განვითარდეს.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





