|
2018-05-01 18:29:17, 1848 ნახვა
ეკონომიკა
დიმიტრი ქუმსიშვილმა ევროპის საინვესტიციო ბანკის წარმომადგენლებთან მიმდინარე პროექტები განიხილა
პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ევროპის საინვესტიციო ბანკის ვიცე-პრეზიდენტ ვაზილ ჰუდაკსა და ბანკის დელეგაციის სხვა წარმომადგენელებთან საქართველოში ევროპის საინვესტიციო ბანკის მიმდინარე პროექტები და სამომავლო თანამშრომლობის მიმართულებები განიხილა. ეკონომიკის სამინისტროს ცნობით, შეხვედრაზე მხარეებმა ყურადღება გაამახვილეს თანამშრომლობაზე ისეთ მნიშვნელოვან საკითხებზე, როგორიცაა ენერგეტიკა და მცირე და საშუალო ბიზნესის ხელშეწყობა. პოზიტიურად შეფასდა პროექტების მიმდინარეობა, რომლებიც შეეხება საქართველოში განახლებადი ენერგორესურსების ათვისებას, მათ შორის, ჰიდროელექტროსადგურების და გადამცემი ხაზების მშენებლობას. ხაზი გაესვა ერთობლივი პროგრამების და მექანიზმების საჭიროებას ენერგოეფექტურობის მიმართულებით. შეხვედრაზე ასევე აქცენტი გაკეთდა მცირე და საშუალო ბიზნესის ფინანსურ რესურსებზე წვდომასთან დაკავშირებულ სირთულეებზე და აღნიშნული შესაძლებლობის გაზრდის აუცილებლობაზე. ევროპის საინვესტიციო ბანკი საქართველოს კერძო სექტორის ერთ-ერთი მთავარი დამფინანსებელია. აღინიშნა, რომ საქართველოში მცირე და საშუალო საწარმოები საწარმოო სუბიექტების 90 პროცენტს წარმოადგენენ და მათ მიერ დასაქმებულია ბიზნესსექტორში მომუშავეთა 40 პროცენტზე მეტი. მხარეებმა ასევე ისაუბრეს სამომავლო თანამშრომლობის პრიორიტეტულ მიმართულებებზე. ევროპის საინვესტიციო ბანკი (EIB) აფინანსებს ინფრასტრუქტურულ პროექტებს, ადგილობრივი კერძო სექტორის განვითარებას და კლიმატის შენარჩუნების აქტივობებს. 2007 წლიდან, მზარდი ტემპით იქნა დაფინანსებული 21 პროექტი ეკონომიკის სხვადასხვა სექტორში. ასოცირების ხელშეკრულების და ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) ხელმოწერის შემდეგ, ევროპის საინვესტიციო ბანკმა გააძლიერა მხარდაჭერა და ფაქტობრივად გააორმაგა თავისი საკრედიტო პორტფელი ქვეყანაში, რაც შეადგენს 1.55 მილიარდ ევროს. ეს საქართველოს წარმოაჩენს, როგორც EIB-ის მთავარ ბენეფიციარს აღმოსავლეთ სამეზობლოში ერთ სულ მოსახლეზე.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





