ღარიბაშვილი: ვიდრე ჩვენი ტერიტორიების პრობლემა არ მოგვარდება, საქართველო-რუსეთის ურთიერთობები გაურკვევლობაში იქნება

2015-05-23 14:36:42, 467 ნახვა

პოლიტიკა

„ვიდრე ჩვენი ტერიტორიის პრობლემა არ მოგვარდება, რუსეთ-საქართველოს შორის ურთიერთობები გაურკვევლობაში იქნება“,-ამის შესახებ საქართველოს პრემიერ-მინისტრმა ირაკლი ღარიბაშვილმა „აფხაზეთობის“ დღესასწაულთან დაკავშირებით ჟურნალისტებს განუცხადა.

მისივე თქმით, საქართველოს რუსეთის საწინააღმდეგო არაფერი აქვს.

„ჩვენ რუსეთთან, რა თქმა უნდა, საწინააღმდეგო არაფერი გვაქვს. პირიქით, ჩვენ გვსურს მაათთან მეზობლური, მეგობრული, კარგი ურთიერთობა, მაგრამ ჩვენ ურთიერთობებში მთავარ პრობლემად რჩება სწორედ ჩვენი ტერიტორიები. ვიდრე ეს პრობლემა არ იქნება გადაწყვეტილი, მანამ იქნება ჩვენი ურთიერთობები ასეთ გაურკვევლობაში“, - განაცხადა ირაკლი ღარიბაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან