|
2018-04-26 15:20:41, 2099 ნახვა
ეკონომიკა
თელავში „ბაზის ბანკის“ ახალი ფილიალი გაიხსნა
თელავში ერეკლე მეორის პირველ ნომერში „ბაზის ბანკის“ ახალი ფილიალი გაიხსნა. ფილიალში 20-მდე ადამიანი იქნება დასაქმებული, რომლებიც მომხმარებელს, დღეიდან მოემსახურებიან. როგორც „ბაზის ბანკის“ გენერალური დირექორმა, დავით ცაავამ „ექსპრესნიუსთან“ საუბრისას განაცხადა, ახალი ფილიალის გახსნის გადაწყვეტილება მომხმარებელთა მაღალი აქტივობის გამო მიიღეს. „თელავი გამორჩეულია იმ თვალსაზრისით, რომ პირველი რეგიონალური სერვის ცენტრი გაიხსნა 2002 წელს. 16 წელია წარმოდგენილები ვართ აქ და ვხედავთ, რომ მოთხოვნა იზრდება, ამიტომაც მივიღეთ გადაწყვეტილება, რომ განახლებულ სივრცეში დიდი შესაძლებლობებით და თანამედროვე ტექნიკით აღჭურვილი სერვისცენტრი გაგვეხსნა ქალაქის ისტორიულ უბანში. სერვისცენტრი მოემსახურება როგორც ფიზიკურ, ასევე იურიდიულ პირებს. ეს უფრო მეტი შესაძლებლობაა ჩვენთვისაც, რომ დავაბანდოთ თანხები როგორც ბიზნესში, ასევე სასოფლო მეურნეობაში“, - აღნიშნა ცაავამ. მისივე თქმით, აგრო მიმართულება და სოფლის მეურნეობის დაკრედიტება „ბაზის ბანკის“ ერთ-ერთი პრიორიტეტია. „ჩვენ აქტიურად ვართ ჩართული სოფლის მეურნეობის დაკრედიტებაში, ბუნებრივია რომ რეგიონალური სერვის ცენტრები, აქტიურად არიან ჩართულნი. ჩვენ გვყავს ცალკე ჯგუფი პროფესიონალების, რომლებსაც აქვთ ცოდნა იმისა, თუ სხვადასხვა აგრო მიმართულებას რა ტიპის დაფინანსება და მხარდაჭერა ჭირდება ფინანსური დაწესებულებისგან. ასევე მინდა აღვნიშნო, რომ უკვე რამდენიმე წელია ჩვენ კვარტალურად ვუშვებთ ჟურნალს „აგრო ბაზის“, რომელიც ორიენტირებულია სწორედ მცირე ფერმერულ მეურნეობებზე, აცნობს მათ სახვადასხვა სიახლეებს ამ მიმართულებით, მსოფლიოში არსებულ ტრენდებს. სოფლიოს მეურნეობის და ზოგადად აგრო მიმართულების დაკრედიტება „ბაზის ბანკისათვის“ ერთ-ერთი პრიორიტეტია“, - განაცხადა დავით ცაავამ.
(R)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





