საქართველოს პარლამენტის ჯანმრთელობის დაცვის და სოციალურ საკითხთა კომიტეტის ინიციატივით და ამერიკის საერთაშორისო განვითარების სააგენტოს საქართველოში ტუბერკულოზის პრევენციის პროექტის მხარდაჭერით, სასტუმრო „რადისონში“ „ტუბერკულოზის კონტროლის შესახებ“ კანონპროექტთა პაკეტის განხილვა მიმდინარეობს.

აჭარის ჯანდაცვის სამინისტროს ინფორმაციით, შეხვედრის ფარგლებში ექსპერტები და სხვა დაინტერესებული მხარეები პარლამენტის წევრების - დიმიტრი ხუნდაძისა და გიორგი ხეჩინაშვილის ავტორობით შემუშავებულ საკანონმდებლო ინიციატივას განიხილავენ.

კანონპროექტთა პაკეტის განხილვაში მონაწილეობენ აჭარის ავტონომიური რესპუბლიკის ჯანმრთელობისა და სოციალური დაცვის მინისტრი და მინისტრის პირველი მოადგილე, საქართველოს პარლამენტის ჯანმრთელობის დაცვისა და სოციალურ საკითხთა კომიტეტის წევრები, შრომის, ჯანმრთელობისა და სოციალური დაცვის მინისტრის მოადგილეები, სოციალური მომსახურების სააგენტოს, ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის, ტუბერკულოზის და ფილტვისა დაავადებათა ეროვნული ცენტრის, რეგიონალური ფთიზიატრიული დაწესებულებების ხელმძღვანელები და წამყვანი სპეციალისტები, დარგობრივი ასოციაციის წარმომადგენლები, საპარლამენტო კომიტეტთან არსებული ჯანმრთელობის დაცვის საკითხებში სამეცნიერო-საკონსულტაციო საბჭოს წევრები, ამერიკის შეერთებული შტატების საერთაშორისო განვითარების სააგენტოს ჯანდაცვითი პროექტების ხელმძღვანელები.

ტუბერკულოზი ინფექციური, ჰაერის გზით გდამდები დაავადებაა, რომელიც აზიანებს ფილტვს. დაავადების დროულად დიაგნოსტირებისა და მკურნალობის ბოლომდე მიყვანის შემთხვევაში ტუბერკულოზი ინკურნება.

2014 წელს აჭარის ავტონომიურ რესპუბლიკაში ტუბერკულოზის გამოკვლევა ჩაუტარდა 3600 პაციენტს, ამათგან დიაგნოზი დაუდგინდა 550-ს. სტაციონარული მკურნალობა ჩაიტარა 269 ავადმყოფმა, აქედან 33 ბავშვია, 16- MDR ავადმყოფი.

ტუბერკულოზით მსოფლიოში ყოველწლიურად 9 მილიონი ადამიანი ავადდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას