|
2018-04-18 19:12:11, 1746 ნახვა
ეკონომიკა
ქეთევან ალექსიძე: საქართველოს ავიაბაზარი ძალიან მიმზიდველია
ზაფხულიდან საქართველოს ავიაბაზარზე ახალი ავიაკომპანია Flynas შემოვა. საუდის არაბეთის ეროვნული გადამზიდავი Flynas რეგულარულ რეისებს ივნისიდან თბილისის საერთაშორისო აეროპორტის მიმართულებით სამი უმსხვილესი ქალაქიდან - ერ-რიადიდან, დამამიდან და ჯედადან თბილისის მიმართულებით კვირაში სამ-სამი სიხშირით შეასრულებს. ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ დირექტორის, ქეთევან ალექსიძის განცხადებით, ის ფაქტი, რომ ახალი ავიაკომპანია ფრენებს ერთდროულად სამი ქალაქიდან იწყებს, მიანიშნებს იმას, რომ საქართველოს ავიაბაზარი სულ უფრო მიმზიდველი ხდება. ,,საქართველოში ფრენას იწყებს საუდის არაბეთის ეროვნული გადამზიდავი. ეს არის ავიაკომპანია Flynas, რომელიც ფრენებს ერთდროულად სამი მიმართულებით შეასრულებს: ჯედა, ერ-რიადი და დამამი, რაც ძალიან მნიშვნელოვანია. ახალი ავიაკომპანია, რომელიც ბაზარზე შემოდის სამი მიმართულებით და თითოეული მათგანი სამი სიხშირით შესრულდება, ნამდვილად მიანიშნებს იმას, რომ საქართველოს ავიაბაზარი ძალიან მიმზიდველია. ჩვენი ტურისტული პოტენციალი ნამდვილად კარგად არის შეფასებული. ავიაკომპანია ფიქრობს, რომ ეს არის მხოლოდ დასაწყისი და ისინი ძალიან მალე შეძლებენ სიხშირეებს გაზრდას“, - განაცხადა ქეთევან ალექსიძემ. საუდის არაბეთის სამეფოს ეროვნულმა გადამზიდავმა ოპერირება 2007 წლის თებერვალში Nas Air-ის სახელწოდებით დაიწყო. 2013 წლის ნოემბერში ის ბაზარზე უკვე Flynas-ის სახელით ოპერირებს და ამ დროისთვის 31 საჰაერო ხომალდს ფლობს. ავიაკომპანია ფრენებს 35 მიმართულებით ასრულებს. თბილისში, ავიაკომპანია Flynas-ის ოფიციალური წარმომადგენელი კომპანია Voyager იქნება. 2017 წელს საქართველოში საუდის არაბეთის მოქალაქე 56,252 მოქალაქე შემოვიდა და წინა წელთან შედარებით 176%-იანი ზრდა დაფიქსირდა. 2018 წლის 3 თვის მონაცემებით საქართველოში საუდის არაბეთის 3,406 მოქალაქე შემოვიდა და შარშანდელი წლის 3 თვესთან შედარებით 82% ზრდა დაფიქსირდა.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





