თბილისის სატრანსპორტო კომპანიის ხელმძღვანელის, მამუკა კობახიძის ინფორმაციით, დედაქალაქში კონტროლიორ-ინსპექტორები დღეს, დღის მეორე ნახევრიდან გამოჩნდებიან.

როგორც კობახიძემ აღნიშნა, პარალელურად საინფორმაციო აბრების შეცვლა მიმდინარეობს, სადაც განთავსებული იქნება ცხელი ხაზის ნომერი. მანვე დასძინა, რომ აბრებზე ასევე თბილისის პარკინგის ინტერნეტ მისამართი - TP.ge იქნება მითითებული. მოქალაქეები აღნიშნულ ვებ-გვერდზე დამატებითი ინფორმაციის მოძიებას და ჯარიმის გადახდას შეძლებენ.

რაც შეეხება ჯარიმებს, კობახიძის განცხადებით, ჯარიმების რაოდენობა არ გაიზრდება.

"დილიდან გასულია ტექნიკური ჯგუფი, რომლებიც უზრუნველყოფენ საპარკინგე ინფრასტრუქტურის მოწყობას. ასევე, შუადღიდან გამოჩნდებიან კონტროლიორ-ინსპექტორები, რომლებიც შესაბამისი უნიფორმით და ტექნიკური საშუალებებით იქნებიან აღჭურვილი და ყურადღებას მიაქცევენ, თუ რამდენად სწორად არის განთავსებული მანქანა პარკირების ადგილზე, ექვემდებარება დაჯარიმებას თუ გადაყვანას საჯარიმო სადგურზე. რაც შეეხება ტექნიკურ აღჭურვილობას, მთლიანად აღჭურვილი არის კომპანიის ყველა შესაბამისი თანამშრომლები. პირველ ეტაპზე ვიქირავეთ ევაკუატორები. ტენდერია გამოცხადებული და 2-3 თვის ვადაში შევიძენთ ევაკუატორებს. პირველ ეტაპზე 10 ევაკუატორით მოხდება ქალაქის მომსახურება", - განაცხადა კობახიძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს