მოქალაქეებს შესაძლებლობა ექნებათ, მარტივი პროცედურით,  საბუთებში რეალური  დაბადების ადგილი მიუთითონ.

აღნიშნულს იუსტიციის სამინისტროს მიერ მომზადებული საკანონმდებლო ცვლილება ითვალისწინებს.

კერძოდ, თეა წულუკიანის განმარტებით, 1971-დან 1996 წლამდე დაბადებულ პირებს, დაბადების ადგილის მითითებასთან დაკავშირებით გარკვეული პრობლემები ექმნებათ.

მინისტრის თქმით,  ამ პერიოდში არსებული რეგულაციის თანახმად, მშობლებს შეეძლოთ დაბადების ადგილი სურვილის მიხედვით მიეთითებინათ.

საკანონმდებლო ინიციატივის საფუძველზე, პირებს შესაძლებლობა ექნებათ,  დოკუმენტაციებში რეალური დაბადების ადგილი მიუთითონ:

„მთავრობის დღევანდელ სხდომაზე მივიღეთ ცვლილება იმ პირებისთვის, ვინც დაბადებულია 1971-დან 1996 წლამდე, როდესაც მოქმედებდა რეგულაცია - მშობლების გადაწყვეტილება იყო თავისუფალი, მიუთითებდა შვილის დაბადების ადგილად რეალური დაბადების ადგილს, თუ მშობლების ფაქტობრივ საცხოვრებელს, როგორც დაბადების ადგილს. ხშირად ჩვენ პრაქტიკაში შეგვქმნია პრობლემა, როდესაც მოდიან პირები და სხვადასხვა დოკუმენტაციაში ამის გამო აქვთ 2 სხვადასხვა დაბადების ადგილი. იმ ცვლილებით, რაც მთავრობამ გაიზიარა, ასეთ პირებს შეიძლება სიმშვიდის საფუძველი ჰქონდეთ, რადგან ისინი საბუთებს უფრო მარტივად გაასწორებენ და თუ მათი სურვილია რეალური დაბადების ადგილი ფიგურირებდეს დოკუმენტებში, ამის შესაძლებლობა იქნება და ისინი არ გააგრძელებენ ცხოვრებას იმ დაბადების ადგილით, რომელიც მათი რეალური დაბადების ადგილი არ არის  და არის მათი დაბადების მომენტში მათი მშობლების მისამართი რეალურად“, - აღნიშნა თეა წულუკიანმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს