|
2018-04-03 17:00:35, 1819 ნახვა
ეკონომიკა
გენადი არველაძე: მნიშვნელოვანია პროგრამები, რომელთაც EBRD-ის მცირე ბიზნესის კონსულტაციების ჯგუფი DCFTA-ის მხარდასაჭერად ახორციელებს
მნიშვნელოვანია ის პროგრამები, რომელთაც ევროპის რეკონსტრუქციისა და განვითარების ბანკის (EBRD) მცირე ბიზნესის კონსულტაციების ჯგუფი DCFTA-ის მხარდასაჭერად ახორციელებს- ამის შესახებ, ეკონომიკისა და მდგრადი განვითარების მინისტრის მოადგილემ გენადი არველაძემ ევროპის რეკონსტრუქციისა და განვითრების ბანკის მცირე ბიზნესის კონსულტაციების გუნდის 15 წლის იუბილისადმი მიძღვნილი მიღებაზე განაცხადა. მისის თქმით, კომპანიების 66%-ში გაიზარდა სამუშაო ადგილების რაოდენობა „მნიშვნელოვანია ის პროგრამები, რომელთაც ევროპის რეკონსტრუქციისა და განვითარების ბანკის (EBRD) მცირე ბიზნესის კონსულტაციების ჯგუფი DCFTA-ის მხარდასაჭერად ახორციელებს. სტატისტიკით, ბენეფიციარი კომპანიების 84%-ს გაეზარდა ბრუნვა საშუალოდ 58%-ით, 72%-ს კი - პროდუქტიულობა. ამავე დროს, კომპანიების 66%-ში გაიზარდა სამუშაო ადგილების რაოდენობა, ხოლო 10%-მა მოიზიდა დამატებითი ფინანსური რესურსები. ჯგუფის მიზანია მცირე და საშუალო საწარმოების დახმარება ადგილობრივი საკონსულტაციო კომპანიებისა და საერთაშორისო ექსპერტების ჩართულობით. 15 წლის მანძილზე მან განახორციელა 1156 პროექტი ქვეყნის მთელი მასშტაბით, მათგან 44 პროცენტი - რეგიონებში“,- განაცხადა არველაძემ. ეკონომიკისა და მდგრადი განვითარების მინისტრის მოადგილის განცხადებით, მცირე ბიზნესის კონსულტაციების გუნდი ევროკავშირიდან მიღებული დაფინანსებით „ევროკავშირი ბიზნესისათვის" ინიციატივის ფარგლებში, ახორციელებს DCFTA-ის მოთხოვნებისადმი მცირე და საშუალო საწარმოების ადაპტირების პროგრამას, რომლის მიზანია ადგილობრივი კომპანიების კონკურენტუნარიანობის გაზრდა, იმპორტის ჩანაცვლების და საექსპორტო პოტენციალის განვითარება. გენადი არველაძის თქმით, აღნიშნული ჯგუფი აქტიურად თანამშრომლობს ეკონომიკისა და მდგრადი განვითარების სამინისტროს სსიპ - თან „აწარმოე საქართველოში" სხვადასხვა მიმართულებით. მათ შორის, აღსანიშნავია ერთობლივი ინიციატივა საკონსულტაციო სერვისების ექსპორტის პოტენციალის გამოვლენის და განვითარების საკითხებში. ღონისძიებას ასევე დაესწრნენ პროგრამის ბენეფიციარი და ადგილობრივი საკონსულტაციო კომპანიების წარმომადგენლები, აგრეთვე მრჩეველთა კომიტეტის წევრები და ევროპის რეკონსტრუქციისა და განვითარების ბანკის თანამშრომლები. მიღებაზე DCFTA ადაპტირებისა და ქალი მეწარმეების პროგრამების მონაწილე 15 ბენეფიციარი კომპანიის წარმომადგენლებს გადაეცათ პროექტის დასრულების სერტიფიკატები.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





