აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ საქართველოს პარლამენტის ჯანმრთელობის დაცვისა და სოციალურ საკითხთა კომიტეტი მიერ ორგანიზებულ შეხვედრაზე აჭარის ჯანდაცვის სამინისტროს 2017 წლის საქმიანობის ანგარიში და 2018 წლის სიახლეები წარადგინა. შეხვედრაზე განიხილება შრომის, ჯანმრთელობისა და სოციალური დაცვის სფეროში ასოცირების შესახებ შეთანხმებით ნაკისრ ვალდებულებათა და გაეროს მდგრადი განვითარების მიზნების განხორციელებასთან დაკავშირებული ღონისძიებები. მინისტრმა აღნიშნა, რომ 2017 წელს აჭარის ჯანდაცვის სამინისტროს ბიუჯეტი შეადგენდა - 15,753,660 ლარს, მიმდინარე წელს ფინანსური დოკუმენტი - 12 159 ლარით გაიზარდა და 2018 წელს შეადგენს 15,765,819 ლარს. ზაალ მიქელაძის განმარტებით, სახელმწიფოს მიერ ასოცირების შესახებ შეთანხმებით ნაკისრ ვალდებულებისა და გაეროს მდგრადი განვითარების მიზნების ფარგლებში აჭარის ჯანდაცვის სამინისტრო უზრუნველყოფს რეგიონში მცხოვრები სხვადასხვა სოციალური კატეგორიის მოსახლეობის სამედიცინო მომსახურების ფინანსურ ხელმისაწვდომობას. 2017 წელთან შედარებთ 2018 წელს აჭარის ჯანდაცვის სამინისტრომ პროგრამების რაოდენობა 26 პროგრამიდან გაზარდა 33 პროგრამამდე. წელს პირველად სამინისტრო აფინანსებს საზღვაგარეთ მკურნალობის თანადაფინანსებას, აუტიზმის სპექტრის დარღვევების მქონე ბავშთა რეაბილიტაციას, შშმ პირთა სხვდასხვა დამხმარე საშუალებებით უზრუნველყოფას. გასულ წელთან შედარებით ღვიძლის ტრანსპლანტაცია 5 - ის ნაცვლად უფინანსდება 10 პაციენტს, თითოეულს 50 000 ლარით.

(NS)

ავტორი: ,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა