30 მარტი საქართველოს ფინანსთა სამინისტროს საგამოძიებო სამსახურის თანამშრომელთა პროფესიულ დღედ დაწესდა, რომელიც ყოველწლიურად აღინიშნება.

საგამოძიებო სამსახურის თანამშრომლებს პროფესიული დღე ფინანსთა მინისტრმა, მამუკა ბახტაძემ და საგამოძიებო სამსახურის უფროსმა, ლევან გამყრელიძემ  მიულოცეს და გაწეული  საქმიანობისთვის მადლობა გადაუხადეს.

როგორც ღონისძიებაზე აღინიშნა, საგამოძიებოს სამსახურის საქმიანობის მთავარ მიზანს ქვეყნის ეკონომიკური განვითარების ხელშეწყობა, საფინანსო-ეკონომიკური დანაშაულთან ბრძოლა და მოქალაქის, ბიზნესსექტორის და სახელმწიფოს ინტერესების დაცვა წარმოადგენს.

ფინანსთა მინისტრმა, მამუკა ბახტაძემ საგამოძიებო სამსახურის თანამშრომლებს წარმატებები უსურვა და აღნიშნა, რომ მათი საქმიანობა მნიშვნელოვანია ქვეყნის ეკონომიკური უსაფრთხოების დაცვის მიმართულებით.

 „ჩვენ ფინანსთა სამინისტროს საგამოძიებო სამსახურისთვის გამოკვეთილი გვაქვს მუშაობის სამი პრინციპი. საგამოძიებო სამსახური უნდა სარგებლობდეს საზოგადოებრივი ნდობის მაღალი ხარისხით, უნდა იყოს პრინციპული კანონის უზენაესობის დაცვისა და ეკონომიკური დანაშაულის გამოვლენის მიმართულებით და მესამე - ფინანსთა სამინისტროს საგამოძიებო სამსახური უნდა იყოს ბიზნესის დაცვის ეფექტური მექანიზმი", - აღნიშნა ფინანსთა მინისტრმა, მამუკა ბახტაძემ. 

საგამოძიებო სამსახურის თანამშრომლებთან ერთად გამართულ შეხვედრაზე, საგამოძიებო სამსახურის უფროსმა, ლევან გამყრელიძემ ფინანსთა მინისტრს გააცნო 2017 წლის საქმიანობის ანგარიში. როგორც მან აღნიშნა, საგამოძიებო სამსახურმა ბოლო პერიოდის განმავლობაში მნიშვნელოვან შედეგებს მიაღწია, რაც საგამოძიებო უწყების თითოეული თანამშრომლის ეფექტური მუშაობის შედეგია.

 ღონისძიების ფარგლებში, ფინანსთა მინისტრმა და საგამოძიებო სამსახურის უფროსმა წარმატებული თანამშრომლები მადლობის სიგელებით და ვადამდელი წოდების მინიჭებით დააჯილდოვეს.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს