|
2018-03-26 17:42:30, 1623 ნახვა
ეკონომიკა
ისრაელის ეკონომიკის მინისტრი: საქართველოსა და ისრაელის კარგი ურთიერთობების წყალობით, ჩვენს ქვეყნებს შორის სავაჭრო ბრუნვის გაზრდას შევძლებთ
პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი ისრაელში სამუშაო ვიზიტის ფარგლებში, ისრაელის ეკონომიკისა და მრეწველობის მინისტრ ელი კოენს შეხვდა. შეხვედრაზე მხარეებმა განიხილეს ორი ქვეყნის სავაჭრო-ეკონომიკური ურთიერთობები და ორმხრივი კავშირების განვითარების ძირითადი მიმართულებები. მხარეები საქართველოსა და ისრაელს შორის სავაჭრო ბრუნვის გაზრდაზე შეთანხმდნენ. ისრაელის ეკონომიკისა და მრეწველობის მინისტრმა გამართულ შეხვედრას მნიშვნელოვანი უწოდა და ორ ქვეყანას შორის კარგ და ახლო მეგობრობას გაუსვა ხაზი. ელი კოენის თქმით, საქართველო და ისრაელი არა ერთმანეთის კონკურენტები, არამედ კარგი და ახლო მეგობრები არიან, რომლებიც გვერდში უდგანან ერთმანეთს. „შეხვედრაზე ჩვენ დავისახეთ სტრატეგიული მიზნები, რათა გავაძლიეროთ ეკონომიკური ურთიერთობები ჩვენს ქვეყნებს შორის. წლიდან წლამდე ვხედავთ, რომ ჩვენი ქვეყნიდან ტურისტების ნომერი სულ უფრო იზრდება, მაგრამ გვინდა, უფრო მეტი ექსპორტ-იმპორტი ვიხილოთ. ჩვენი მიზანია, ხუთ წელიწადში სავაჭრო ბრუნვის 1 მილიარდ დოლარამდე გაზრდა. ვფიქრობ, ჩვენ შეგვიძლია ამ მიზნის მიღწევა იმ ახლო მეგობრობისა და კარგი ეკონომიკური ურთიერთობების წყალობით, რაც ჩვენს ქვეყნებს აქვთ", - განაცხადა ისრაელის ეკონომიკისა და მრეწველობის მინისტრმა ელი კოენმა. ისრაელში ვიზიტის ყოფნისას პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა თავისი კოლეგა საქართველოში მოიპატიჟა. ელის კოენი, საქართველოს, სავარაუდოდ, 10 მაისს ეწვევა.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





