ოქროყანაში, თბილისის ქუჩაზე, სამისამართე აბრების განთავსება მიმდინარეობს. ქუჩის  სახელწოდებისა დ ა ნუმერაციის აღმნიშვნელი აბრების დამონტაჟების სამუშაოებს დედაქალაქის მერი კახა კალაძე გაეცნო.  სამისამართე აბრები ოქროყანაში არსებულ ყველა  ქუჩაზე დამონტაჟდება.

„დავიწყეთ ქუჩების დამისამართება მთელი ქალაქის მასშტაბით. პირველ ეტაპზე, განხორციელდება შემოერთებული ტერიტორიების დამისამართება. ეს ადგილობრივი მოსახლეობისთვის ზოგადად, სერიოზულ პრობლემას წარმოადგენს, რადგან სასწრაფოს, სახანძროს, პატრულის გამოძახების შემთხვევაში, კონკრეტულ ლოკაციაზე დროულად მისვლა ძალიან რთულდება. ცუდია, როდესაც  განვითარებულ ქალაქებში სამისამართე აბრები არ არის და ნებისმიერ გამვლელ ადამიანს არ აქვს შესაძლებლობა, გაიგოს, ზუსტად სად, რომელ ქუჩაზე იმყოფება. ჩვენ ქალაქში აღნიშნულ პრობლემას მოვაგვარებთ“, - განაცხადა თბილისის მერმა.

აბრების დამონტაჟების თხოვნით, თბილისის მერიასა და საკრებულოს ადგილობრივმა მოსახლეობამ მიმართა.  ოქროყანაში სამისამართე აბრის გარეშე 30-მდე ქუჩა, ჩიხი და შესახვევი იყო. სახელწოდებისა და ნუმერაციის აღმნიშვნელი აბრების განთავსებას დედაქალაქის მასშტაბით, თბილისის მერიის ინფრასტრუქტურის განვითარების საქალაქო სამსახური ახორციელებს. აბრების მოსაწყობად, ბიუჯეტიდან 500 000 ლარია გამოყოფილი.  

თბილისის მერთან ერთად, ადგილზე მერის მოადგილე ირაკლი ბენდელიანი, მთაწმინდის რაიონის გამგებელი დავით კირკიტაძე, თბილისის საკრებულოს სახელდებისა და სიმბოლიკის კომისის თავმჯდომარე თინათინ ნიბლოშვილი, საქართველოს პარლამენტისა და თბილისის საკრებულოს მთაწმინდის რაიონის მაჟორიტარი დეპუტატები იმყოფებოდნენ.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს