დღეს, საქართველოს ფინანსთა მინისტრი მამუკა ბახტაძე საერთაშორისო საფინანსო კორპორაციის (IFC) წარმომადგენლობის ხელმძღვანელს სამხრეთ კავკასიაში იან ვან ბილსენს შეხვდა.

მხარეებმა საქართველოში საერთაშორისო საფინანსო კორპორაციის მიმდინარე და სამომავლო პროექტები განიხილეს.

ფინანსთა მინისტრმა სტუმარს მადლობა გადაუხადა საერთაშორისო საფინანსო კორპორაციის მიერ საქართველოსთვის გაწეული მხარდაჭერისა და ქვეყნისთვის ისეთი პრიორიტეტული სექტორების დაფინანსების გამო როგორიცაა: საფინანსო სექტორი, სოფლის მეურნეობა, მრეწველობა, ჯანდაცვის სფერო, ინფრასტრუქტურა, ენერგეტიკა, ტურიზმი, კაპიტალის ბაზრის განვითარება.

შეხვედრაზე ფინანსთა მინისტრმა, ასევე, ისაუბრა წლის დასაწყისიდან ქვეყანის ეკონომიკაში მიმდინარე დადებით ტენდენციებსა და წლის განმავლობაში დაგეგმილ რეფორმებზე, რომელთა მიზანი ეკონომიკური ზრდის დაჩქარებაა.

როგორც შეხვედრაზე აღინიშნა, საერთაშორისო საფინანსო კორპორაცია მომავალში განაგრძობს საქართველოში მიმდინარე რეფორმების, კერძო სექტორის მხარდაჭერას.

(NS)

ავტორი: ,

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება