ზუგდიდის მერიაში „ნაციონალური მოძრაობისა“ და „ევროპული საქართველოს“ დეპუტატები ერთმანეთს დაუპირისპირდნენ

2018-03-22 18:41:09, 812 ნახვა

რეგიონი

ზუგდიდის მერიაში საკრებულოს სხდომის მსვლელობისას ერთმანეთს "ნაციონალური მოძრაობისა" და "ევროპული საქართველოს" დეპუტატები ფიზიკურად დაუპირისპირდნენ.

დაპირისპირებას წინ კამათი უძღოდა, რომელიც „ევროპული საქართველოს“ ახალი ფრაქციის ჩამოყალიბებას მოჰყვა.

ენმ-ის წარმომადგენელმა ანა წითლიძემ განაცხადა, რომ გელა თოლორაიას, რომელმაც „ნაციონალური მოძრაობა“ დატოვა და „ევროპულ საქართველოში“ გაწევრიანდა, უნდა ეყოს ვაჟკაცობა და საკრებულოს სხდომაზე გამოცხადდეს. „ევროპულ საქართველოს“ მეძავების პარტია უნდა დარქმეოდა“, - მიმართა წითლიძემ პარტიის წევრებს.

დეპუტატებს შორის ფიზიკური დაპირიპირება წითლიძის ამ განცხადების შემდეგ დაიწყო.

აღნიშნულის საკრებულოს სხდომაზე შესვენება გამოაცხადდა. ადგილზე პოლიციისა და სასწრაფო სამედიცინო დახმარების გამოძახება გახდა საჭირო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები