კონსული: ქუვეითში დაკავებული ქართველების მიმართ ფიზიკური ძალის გამოყენება არ დასტურდება

2018-03-20 20:32:54, 1605 ნახვა

საზოგადოება

საქართველოს კონსულმა ქუვეითში დაკავებული საქართველოს მოქალაქეები მოინახულა, - ამის შესახებ "ექსპრესნიუსს" საგარეო საქმეთა სამინისტროდან აცნობეს.

უწყების ინფორმაციით, დაკავებულების ჯანმრთელობის მდგომარეობა და წინასწარი დაკავების პირობები დამაკმაყოფილებელია.

"ჯანმრთელობის მდგომარეობა და წინასწარი დაკავების პირობები დამაკმაყოფილებელია და მათ მიმართ ფიზიკური ძალის გამოყენების ფაქტი არ დასტურდება. დაკავებულებს არ მოუთხოვიათ ექიმის ვიზიტი, უზრუნველყოფილი არიან საკვებითა და წყლით. დაკავებულები ეჭვმიტანილები არიან ქურდობაში", - ნათქვამია უწყების ინფორმაციაში.

ცნობისთის, ქუვეითის აეროპორტში საქართველოს 4 მოქალაქე დააკავეს. ერთ-ერთი მათგანი, რომელმაც ოჯახთან დაკავშირება მოახერხა, აცხადებს, რომ არაადამიანურად ეპყრობიან, სცემენ და მათ უფლებებს არღვევენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები