ვერტმფრენმა, რომელსაც დაშავებული უცხო ქვეყნის მოქალაქეები, მათ შორის ორსული ქალი, გუდაურიდან თბილისში უნდა გადმოეყვანა, რთული მეტეოროლოგიური პირობების გამო, აფრენა ვერ შეძლო.

როგორც „ექსპრესნიუსს“ ჯანდაცვის სამინისტროში განუცხადეს, აღნიშნულის გამო, ისინი კიდევ 2 დაშავებულთან ერთად, თბილისში რეანომობილებით გადმოჰყავთ.

რაც შეეხება უკრაინის მოქალაქეს, იგი ღუდუშაურის კლინიკაში ვერტმფენით გადმოიყვანეს. პაციენტს ხელის ღია მოტეხილობა და თავის ტრავმა აღენიშნება. კლინიკაში ცოტა ხნის წინ მის მოსანახულებლად ჯანდაცვის მინისტრის მოადგილე, ზაზა სოფრომაძე მივიდა.

შეგახსენებთ, რომ გუდაურში საბაგირო მწყობრიდან გამოვიდა, რის შედეგადაც 10 ადამიანი დაშავდა. შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სსკ-ს 275-ე მუხლით დაიწყო.

ავტორი: ,

სოციალური ქსელები

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო