საქართველოს კომუნიკაციების ეროვნულმა კომისიამ მობილური კავშირის  კონსოლიდირებული ტენდერით გაწეული მომსახურეობის სუბსიდირებისთვის შპს "მაგთიკომს" და შპს "ჯეოსელს" წერილობითი გაფრთხილება მისცა.

როგორც განცხადებაშია აღნიშნული, კომისიამ დაასრულა ბაზრის მოკვლევა და დაადგინა, რომ  შპს „მაგთიკომისა"  და შპს „ჯეოსელის" მხრიდან კონსოლიდირებული ტენდერის მომსახურეობის ფარგლებში, ორივე კომპანიას ზარალი დაუფიქსირდა.

„შპს „მაგთიკომის" და შპს „ჯეოსელის" მხრიდან ადგილი ჰქონდა ელექტრონული კომუნიკაციების შესახებ საქართველოს კანონის 33 მუხლის პირველი პუნქტის  დარღვევას.

შესყიდვების სააგენტოს მიერ გამოცხადებული ახალი სატენდერო პირობების მიხედვით, 2018 წლიდან განისაზღვრა ახალი პირობები, რაც სწორი გადაწყვეტილებაა.

კომისიის გადაწყვეტილებით, შპს ,,მაგთიკომს" და შპს „ჯეოსელს" მიეცა წერილობითი გაფრთხილება ,,ელექტრონული კომუნიკაციების შესახებ" საქართველოს კანონის მე-19 მუხლის მეორე პუნქტის ბ) ქვეპუნქტის, 33-ე მუხლის პირველი პუნქტის დარღვევისთვის, კერძოდ დანახარჯებისა და შემოსავლების განცალკევებულად აღრიცხვის სპეციფიკური  ვალდებულების შეუსრულებლობის გამო. იმ შემთხვევაში, თუ კომპანიებს ერთი წლის განმავლობაში კვლავ დაუფიქსირდებათ დარღვევა, ისინი ფინანსურ სანქციებს მიიღებენ.

ტარიფის სუბსირიდების მოკვლევას, საკითხის შესწავლის ფარგლებში კომუნიკაციების კომისიამ შპს „მაგთიკომიდან" და შპს „ჯეოსელიდან" გამოითხოვა კონსოლიდირებული ტენდერით გაწეული ხარჯებისა და  მიღებული შემოსავლების შესახებ ინფორმაცია. კომპანიების მიერ წარმოდგენილი ინფორმაციის შესწავლის შედეგად დადგინდა, რომ მობილური კომპანიების მიერ კონსოლიდირებული ტენდერის ფარგლებში გაწეული ხარჯები ბევრად აღემატებოდა ამ მომსახურეობიდან მიღებულ შემოსავლებს.

შეგახსენებთ, რომ საქართველოს კომუნიკაციების ეროვნულ  კომისიის 2010 წლის 21 მაისის N 240/9 და 2011 წლის 25 იანვრის №26/9 გადაწყვეტილებებით „შპს „ჯეოსელს" და შპს „მაგთიკომს" დაკისრებული აქვთ ვალდებულება, რომ არ დაუშვან კონურენციის შემზღუდავი ქმედებები და სატარიფო შეღავათების სუბსიდირება სხვა მომხარებელთა ხარჯზე“, - ნათქვამია კომისიის განცხადებაში.

ავტორი: ,

სოციალური ქსელები

ნეთანიაჰუ არაბთა გაერთიანებულ საემიროებს ეწვია.

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა