შინაგან საქმეთა სამინისტრო აგრძელებს მონაწილეობას მთელი ქვეყნის მასშტაბით მიმდინარე პროექტში „სამართლებრივი განათლების პროგრამა“. აღნიშნული პროექტის ფარგლებში, შსს-ს სამცხე-ჯავახეთის სამხარეო  მთავარი სამმართველოს უბნის ინსპექტორ-გამომძიებლებმა ნონა გიქოშვილმა და თამთა გელაშვილმა, სამოქალაქო განათლების პედაგოგებთან - შორენა ხმალაძესა და ზაზა ნათენაძესთან ერთად, ახალციხის N1 და N5 საჯარო სკოლებში მოსწავლეებს სამართლებრივი კულტურის გაკვეთილები ჩაუტარეს.

სამართლებრივი კულტურის გაკვეთილები ახალციხის სკოლებში შინაგან საქმეთა სამინისტროს, განათლებისა და მეცნიერების სამინისტროს და საერთაშორისო ორგანიზაცია „PH INTERNATIONAL“-ის ერთობლივ პროექტ - „სამართლებრივი განათლების პროგრამის“ ფარგლებში ტარდება. შსს-ს უბნის ინსპექტორ-გამომძიებლები, რომლებიც სამართლებრივი კულტურის გაკვეთილებს ატარებენ, აღნიშული პროგრამისთვის სპეციალურად არიან გადამზადებული.

სამართლებრივი კულტურის გაკვეთილები ინტერაქტიულია და თამაშებს მოიცავს. პროგრამა მოსწავლეებში სამართლისა და მართლმსაჯულების სფეროში მათი უფლებების და პასუხისმგებლობის შესახებ ცოდნის ამაღლებას ისახავს მიზნად. სწავლება მე-9 კლასის მოსწავლეთათვის ტარდება შემდეგ თემებზე: სამართლებრივი კულტურის არსი და მნიშვნელობა; არასრულწლოვანი და კანონი; ძალადობა - ძალადობა ოჯახში, ბულინგი სკოლებში; მავნე ჩვევები და მათი სახიფათო შედეგებისგან თავდაცვა; ორგანიზებული დანაშაული (ტრეფიკინგი, ნარკოტიკებით და იარაღით უკანონო ვაჭრობა); სასამართლო სამართალწარმოება.

პროექტი აშშ-ს სახელმწიფო დეპარტამენტის ანტინარკოტიკულ და სამართალდამცავ ორგანოებთან თანამშრომლობის საერთაშორისო ბიუროს ფინანსური მხარდაჭერით ხორციელდება. სამართლებრივი კულტურის გაკვეთილები ტარდება თბილისის, ქუთაისის, რუსთავის და ახალციხის საჯარო სკოლებში. 2013-2014 სასწავლო წელს პროგრამა ადგილობრივი უბნის ინსპექტორ-გამომძიებლების და სკოლის პედაგოგების მიერ საქართველოს 32 საჯარო სკოლაში განხორციელდა. სწავლება თბილისის მე-17, ახალქალაქის მე-5, ფოთის მე-5 და თელავის მე-5 საჯარო სკოლებში ჩატარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა