საგარეო საქმეთა მინისტრის მიხეილ ჯანელიძის განცხადებით,  ერგნეთში ხვალ  ინციდენტების პრევენციისა და მათზე  რეაგირების მექანიზმის მორიგი შეხვედრა გაიმართება, სადაც არჩილ ტატუნაშვილის ცხედრის გადმოცემისა და მასთან ერთად დაკავებული ორი მოქალაქის საქართველოს კონტროლირებად ტერიტორიაზე გადმოსვლიდ საკითხი განიხილება.

ჯანელიძის თქმით, ყველაფერი კეთდება, რათა  სასურველი შედეგი დადგეს:

 "აუცილებელია საერთაშორისო საზოგადოების ჩართულობით უზრუნველყოფილი იყოს რუსეთის მხრიდან 2008 წლის ცეცხლის შეწყვეტის შეთანხმება, მოხდეს ჩვენი ტერიტორიების დეოკუპაცია, შეიქმნას საერთაშორისო უსაფრთხოების მექანიზმები,დაშვებულ იქნას საერთაშორისო ადამიანის უფლებათა მონიტორები აფხაზეთსა და ცხინვალის რეგიონში.ამ საკითხებს ჩვენ განვიხილავთ ჟენევის ფორმატში  და შემდეგ რაუნდზე იქნება ეს საკითხები განხილული.ხვალ გაიმართება ინციდენტების პრევენციისა და რეაგირების მექანიზმის შეხვედრა ერგნეთში.ჩვენ მოველით, რომ საერთაშორისო საზოგადოების შესაბამისი ჩართულობით უზრუნველყოფილი იქნება ეფექტური გამოძიება საქართველოს შესაბამისი უწყებების მხრიდან და საჭიროების შემთხვევაში საერთაშორისო ჩართულობა იქნება უზრუნველყოფილი.ჩვენ გავაკეთებთ ყველაფერს, ჩვენს ხელთ არსებულ ყველა დიპლომატიურ ბერკეტს გამოვიყენებთ იმისათვის, რომ ეს წნეხი გაგრძელდეს და მიღწეულ იქნას ის შედეგები, რომელსაც მოველით.ჩვენ ყოველწუთიერ რეჟიმში ვართ კონტაქტზე და ვცდილობთ, დაუყოვნებლივ მოხდეს როგორც მიცვალებულის გადმოცემა, ასევე ორი მოქალაქის კონტროლირებად ტერიტორიაზე გადმოსვლის შესაძლებლობის უზრუნველყოფა. ამ ეტაპზე ისინი ოჯახის წევრებთან ერთად იმყოფებიან, თუმცა მათ არ აქვთ ე.წ. საბუთები, რაც მისცემთ შესაძლებლობას, დატოვონ ოკუპირებული ტერიტორია და გადმოვიდნენ კონტროლირებად ტერიტორიაზე",-განაცხადა ჯანელიძემ.

ავტორი: ,

სოციალური ქსელები

ამერიკა ასჯერ ძლიერია, ვიდრე რუსეთი - ზელენსკიმ ტრამპს მოუწოდა, გაიხსენოს აშშ-ის ძალა

ტრამპმა ერდოღანს მეგობარი უწოდა: მე მას ყოველთვის გავახარებ

გერმანიის ელჩი - ქართველები რუსული შეჭრის ტკივილს ღრმად იცნობენ, მაშინ როდესაც მათი ტერიტორიის 20% ოკუპირებულია

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა