მთავრობამ შინაგან საქმეთა სამინისტროს რეფორმის შესახებ საკანონმდებლო ცვლილებათა პაკეტი დაამტკიცა.

ამის შესახებ შინაგან საქმეთა მინისტრმა ვახტანგ გომელაურმა ჟურნალისტებს განუცხადა.

რეფორმა შსს-ს ორ ნაწილად გაყოფას გულისხმობს. კერძოდ, შსს-ში დარჩება ყველა პოლიციური  დანაყოფი, ხოლო უშიშროება სახელმწიფო უსაფრთხოების სამსახურში გადავა. სახელმწიფო უსაფრთხოების სამსახურის ხელმძღვანელს მთავრობას პრემიერი წარუდგენს, მთავრობის თანხმობის შემთხვევაში კი, პარლამენტი განიხილავს და უმრავლესობით 6 წლის ვადით დაამტკიცებს.

"ყველასთვის ცნობილია, რომ შინაგან საქმეთა სამინისტროს გაყოფის პროცედურები დაწყებულია. დიდი ხანია ვსაუბრობთ, ეს ჩვენი სამთავრობო გუნდის დაპირება იყო.დღეს წარდგენილი იქნა შინაგან საქმეთა სამინისტროდან კანონპროექტი, რომელიც განიხილეს მთავრობაზე და მივიღეთ.ეს ითვალისწინებს ახალი სამსახურის შექმნას. სახელმწიფო უსაფრთხოების სამსახურის შექმნას, რომლებშიც შევლენ სპეცსამსახურები, როგორიც  არის კონდაზვერვა, ანტიტერორისტული ცენტრი, ანტიკორუფციული სამსახური, აქვე კანონში ჩაწერილი რაც არის, არის მისი ხელმძღვანელის დანიშვნის წესი, რომელსაც პრემიერი წარუდგენს მთავრობას, მთავრობის თანხმობის შემთხვევაში პარლამენტი განიხილავს და უმრავლესობით დაამტკიცებს  მას. ეს გადაიგზავნება პარლამენტში, კომიტეტებში განიხილავენ. თუ რამე შენიშვნები იქნება მას გავითვალისწინებთ, სამუშაო პროცესში კიდევ შეიძლება რაღაც რაღაცები შეიცვალოს. შსს-ში დარჩება ყველა პოლიციური დანაყოფები და სპეცსამსახურები რაც არის, უშიშროებაში გადავა, ანუ სახელმწიფო უსაფრთხოების სამსახურში.უსაფრთხოების სამსახურის უფროსი 6 წლის ვადით აირჩევა.ეს იქნება მხოლოდ ერთჯერადად. არ შეიძლება ორჯერ არჩევა ერთი და იგვივე პიროვნების. ამ რეფორმის მთავარი  მიზანია, არაპოლიტიზირება",-განაცხადა ვახტანგ გომელაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაიენის ინიციატივაა, შეიქმნას ევროპული უსაფრთხოების საბჭო, გაერთიანდებიან პარტნიორები

ახალი შეთავაზება თიბისის ინვესტიციების პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

რუსეთის საგადასახადო სამსახურმა თამარა გვერდწითელის კომპანიის ანგარიშები დაბლოკა

თურქეთმა რუსული ქვანახშირის შესყიდვები შეაჩერა შავ ზღვაში უკრაინის მიერ გემებზე თავდასხმის შემდეგ