ისნის რაიონში სპორტული მოედნების რეაბილიტაცია-განახლება ექვს მისამართზე მიმდინარეობს. სარეაბილიტაციო სამუშაოებს ისნის რაიონის გამგებელი კახა ლაბუჩიძე და თბილისის მერიის განათლების, სპორტისა და ახალგაზრდულ საქმეთა საქალაქო სამსახურის უფროსი ირაკლი გვილავა გაეცნენ. 

ქალაქ თბილისის მერია, სპორტული მოედნების, სკვერებისა და საზოგადოებრივი სივრცეების მოწყობის მიმართულებით ინტენსიურად მუშაობს. ისნის რაიონში ერთდროულად რამდენიმე მისამართზე: კახეთის გზატკეცილი N44 და N3-ა, ონაშვილის ქუჩა N9, ბერი გაბრიელ სალოსის ქუჩა N 156, მეველეს ქუჩა N17 და  ქეთევან წამებულის გამზირ N91-ში, ძველი დაზიანებული მოედნების ადგილას, თანამედროვე სტანდარტების შესაბამისი ფეხბურთისა და კალათბურთის სათამაშო მოედნები ეწყობა. 

პროექტის ფარგლებში, ბალახის ხელოვნური საფარი დაიგება, დამონტაჟდება საფეხბურთო და საკალათბურთო ფარები, მოეწყობა ახალი ღობეები და გარე განათების  ბოძები. მოედნები ასევე, ადაპტირდება შშმ პირებისთვის.  

2018 წელს, ისნის რაიონში რეაბილიტაცია-განახლება ჯამში 10 სპორტულ მოედანს ჩაუტარდება, რომლისთვისაც დედაქალაქის ბიუჯეტიდან 450 000 ლარი დაიხარჯება. სპორტული მოედნების მიმდებარე ტერიტორიაზე მოეწყობა სკვერები და ჩატარდება გამწვანებითი სამუშაოები. ასევე, მოწესრიგდება ინფრასტრუქტურა. 

ისნის რაიონს გაზაფხულისთვის ექვსი რეაბილიტირებული და განახლებული, თანამედროვე სპორტული მოედანი შეემატება, რაც ახალგაზრდებში ჯანსაღი ცხოვრების წესის დამკვიდრებას შეუწყობს ხელს, ადგილობრივი მოსახლეობისთვის კი, გაუმჯობესებული, კომფორული საცხოვრებელი გარემო შეიქმნება.  

(NS)

ავტორი: ,

სოციალური ქსელები

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა