ნაძალადევის რაიონში საცხოვრებელი ბინების გაზიფიცირება გრძელდება. გუდამაყრის ქ. N2ა-ში, ყოფილი ნევროლოგიური კლინიკის შენობაში მცხოვრები დევნილებისა და სოციალურად დაუცველთა 144 ოჯახი ბუნებრივი აირით უკვე სარგებლობს.

კომპაქტურად დასახლებულ ობიექტში გაზიფიცირების პროცესი მიმდინარე წელს დასრულდება. ადგილობრივი მოსახლეობის საცხოვრებელ პირობებს ნაძალადევის რაიონის გამგებელი ირაკლი ხელაძე გაეცნო.

„როგორც ყველა კომპაქტურ ჩასახლებაში, ისე ამ შენობაშიც, იმდენად ბევრი ინფრასტრუქტურული პრობლემაა, რომ ყველაფრის ერთდროულად მოგვარება ვერ მოხერხდება. ამიტომ, მოსახლეობის საცხოვრებელ გარემოს ეტაპობრივად ვაწესრიგებთ. ამ დროისთვის, პრიორიტეტია შენობის გაზიფიცირება, რისთვისაც გამგეობა თითოეულ ოჯახს 400 ლარით აფინანსებს. მოსახლეობის ძირითად ნაწილს ბუნებრივი აირი უკვე  მიეწოდება და უახლოეს მომავალში,  პროცესი მთლიანად დასრულდება. ასევე, ბოლო სამი წლის განმავლობაში, კონკრეტულად, ამ ჩასახლებაში გავარემონტეთ სადარბაზოები, შევცვალეთ კანალიზაციის შიდა ქსელი და გარკვეულ ინფრასტრუქტურულ სამუშაოებს მიმდინარე წელსაც განვახორციელებთ“, - განაცხადა ნაძალადევის რაიონის გამგებელმა. 

გასულ წელს ნაძალადევის რაიონის გამგეობამ, ყოფილი ნევროლოგიური კლინიკის შენობის მცხოვრებლებთან ერთად, სხვა სოციალურად დაუცველი და დევნილი ოჯახების გაზიფიცირების თანხებიც აანაზღაურა. 2017 წლიდან დღემდე, სულ 225 ოჯახი დაფინანსდა, მიმდინარე წელს კი, გამგეობის ბიუჯეტიდან 200 საცხოვრებელი ბინის გაზიფიცირებისთვის საჭირო თანხები გამოიყოფა.

(NS)

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო